सबैभन्दा बढी बेरुजु मधेस प्रदेशको, लुम्बिनी प्रदेशको सबैभन्दा कम

अर्थ समाचार

नेपाल लाइभ बुधबार, असार २९, २०७९ १७:४२

काठमाडौं– महालेखा परीक्षकको प्रतिवेदनमा सवैभन्दा धेरै बेरुजु मधेस प्रदेशको देखिएको छ। मधेस प्रदेशको ५.४२ प्रतिशत बेरुजु रहेको महालेखा परीक्षकको कार्यालयले जनाएको छ।

सवैभन्दा कम बेरुजु भने लुम्बिनी प्रदेशको छ। लुम्बिनी प्रदेशको १.१८ प्रतिशत मात्रै बेरुजु छ। प्रदेश १ को ३.५६ प्रतिशत, बागमती प्रदेशको १.६० प्रतिशत, गण्डकी प्रदेशको १.२७ प्रतिशत, कर्णाली प्रदेशको ५.१५ प्रतिशत र सुदुरपश्चिम प्रदेशको २.१८ प्रतिशत बेरुजु रहेको महालेखा परीक्षकको कार्यालयको वार्षिक प्रतिवेदनमा उल्लेख छ।

प्रदेश सरकार मातहतका सरकारी कार्यालय, अन्य संस्था र समितितर्फको लेखापरीक्षण रकम ३ खर्ब १४ अर्ब ७४ करोड ५३ लाख रुपैयाँ रहेकोमा ८ अर्ब ३८ करोड ५४ लाख बेरुजु कायम रहेको महालेखा परीक्षकको कार्यालयले जनाएको छ।

सरकार मातहत सरकारी कार्यालय, अन्य संस्था र समितितर्फको गत वर्षसम्मको बाँकी बेरुजु १२ अर्ब ९९ करोड १३ लाख रुपैयाँ रहेकोमा सम्परीक्षणबाट १ अर्ब ७२ करोड ४६ लाख फर्स्यौट भइ ११ अर्ब २६ करोड ६७ लाख रुपैयाँ बाँकी रहेको र यो वर्ष ८ अर्ब ३८ करोड ५५ लाख थप भइ अद्यावधिक बेरुजु १९ अर्ब ६५ करोड २२ लाख रुपैयाँ पुगेको महालेखा परीक्षकको कार्यालयेल जनाएको छ। सो रकममा ४ अर्ब १० करोड ७ लाख रुपैयाँ पेस्की रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सरकारविरोधी आन्दोलनको कार्ययोजना बनाउन नेकपा एसले बनायो कार्यदल

परराष्ट्रमन्त्री राणाले भेटिन् राष्ट्रसंघीय मानवअधिकार उच्च आयुक्त भल्कर टुर्कलाई

हाम्रै सहयोगमा प्रधानमन्त्री बनेका प्रचण्डले हामीमाथि नै शासन गर्न चाहन्थे : महासचिव पोखरेल