फाइल तस्बिर।
काठमाडौं– सत्तारूढ नेकपा एकीकृत समाजवादीको सचिवालय बैठक बसिरहेको छ। बैठक जमलस्थित होटल एलो प्यागोडामा बसिरहेको छ।
मुख्यमन्त्री हेरफेर र समसामयिक विषयमा छलफल गर्न एकीकृत समाजवादीको सचिवालय बैठक बसेको हो। हाल एकीकृत समाजवादीको तर्फबाट प्रदेश १ र बागमती प्रदेशमा मुख्यमन्त्री छन्।
बागमतीका मुख्यमन्त्री राजेन्द्र पाण्डेविरुद्ध सत्तारूढ नेपाली कांग्रेस र माओवादीले हस्ताक्षर अभियान चलाएको चर्चाबीच बैठक बसेको हो।
यसअघि बागमतीमा कांग्रेस र एकीकृत समाजवादीले आधा–आधा कार्यकाल सरकारको नेतृत्व गर्ने सहमति भएको थियो। केही दिन पहिले उक्त पत्र समेत सार्वजनिक भएको थियो।
तर, एकीकृत समाजवादीको बागमती प्रदेश संसदीय दलको बैठकले केन्द्रीय निर्णयबाट प्रदेश सरकार बनेको भन्दै केन्द्रबाट निर्णय नहुन्जेल सरकारको नेतृत्व नछाड्ने निर्णय गरिसकेको छ।
बागमती छाड्नुपरे सुदूरपश्चिममा आफ्नो नेतृत्वमा सरकार बन्नुपर्ने एकीकृत समाजवादीको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
