धन्सारले पुरिएर स्याङजामा एक बालिकाको मृत्यु

समाचार

रासस बिहीबार, असार १६, २०७९ ०९:३५

प्रतिकात्मक तस्बिर।

स्याङजा– स्याङजाको गल्याङ–१० डुबिन्डाँडामा बिहीबार बिहान धन्सार भत्किएर पुरिँदा एक बालिकाको मृत्यु भएको छ।

वर्षाका कारण डुबिन्डाँडाका ढाकाराम भट्टराईको घर नजिकै रहेको कच्ची धन्सार भत्किँदा सोही धन्सारमा सुतिरहेकी १२ वर्षीया रेखा भट्टराईको मृत्यु भएको हो।

गम्भीर घाइते उनको गल्याङ नगर अस्पतालमा उपचारका क्रममा मृत्यु भएको जिल्ला प्रहरी कार्यालयका प्रवक्ता रवीन्द्र खनालले जानकारी दिए।

सोही धन्सारमा सुतेका मृतकका दाजु १६ वर्षीय लक्ष्मणलाई चोट लागेको छ। उनको अवस्था सामान्य रहेको अस्पतालले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

रासस

लेखकबाट थप

नेपाल लाइभ