धनगढी– प्रधानमन्त्री शेरबहादुर देउवाले कैलालीको गेटामा निर्माणाधीन अवस्थामा रहेको गेटा मेडिकल कलेज (प्रस्तावित)लाई प्रतिष्ठान बनाउने प्रतिवद्धता व्यक्त गरेका छन्। गेटा मेडिकल कलेज सञ्चालनका लागि पछिल्लो समय दबाब बढेको बताउँदै प्रधानमन्त्री देउवाले त्यसलाई प्रतिष्ठानको रुपमा विकास गरिने बताए।
गृहप्रदेश सुदूरपश्चिमको भ्रमणमा रहेका देउवाले शनिबार धनगढी उपमहानगरपालिकाको नवनिर्मित प्रशासनकि भवनको उद्घाटन समारोहलाई सम्बोधन गर्दै गेटालाई स्वास्थ्य विज्ञान प्रतिष्ठान बनाउन छिट्टै ऐन ल्याइने जानकारी दिए।
'गेटालाई स्वास्थ्य प्रतिष्ठान बनाइनुपर्छ भन्ने कुरामा सकारात्मक छ। मलाई खुसी के लाग्यो भने डडेलधुरामा मेडिकल कलेज सञ्चालन गर्ने कुरा आएपछि गेटा मेडिकल कलेज सञ्चालन हुनुपर्छ भनेर दबाब बढेको छ,' देउवाले भने।
प्रधानमन्त्री देउवाले सुदूरपश्चिम क्रमिक रुपमा विकासको गतिमा अघि बढिरहेको बताए। आफू सानो छँदा पहाड (डडेलधुरा)बाट ३ दिन लगाएर धनगढी पुगेको स्मरण गर्दै प्रधानमन्त्री देउवाले अहिले पहाडका सबै मुकामहरुमा बाटो पुगेको चर्चा गरे।
'म सानो छँदा धनगढी पुग्न ३ दिन लाग्थ्यो। अहिले पहाडका सबै मुकाममा सडक पुगेको छ । धनगढी पुग्न पनि धेरै समय लाग्दैन,' देउवाले भने, 'काठमाडौं जान खोज्दा भारतको बाटो भएर जानुपर्ने बाध्यता थियाो। अहिले २२ वटा पुल बनेपछि सडकबाट काठमाडौं पुगिन्छ। नियमित विमान उडान भइरहेका छन्।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768981471.jpg)
-1764146706.png)
