काठमाडौं- प्रधानसेनापति प्रभुराम शर्माले नेपाली सेनाले स्टेट पार्टनरसिप प्रोग्राम (एसपीपी) लाई पठाइएको पत्र सैन्य तालिमसँग सम्बन्धित नभएको दाबी गरेका छन्।
शुक्रबार सिंहदरबारमा एसपीपीबारे प्रतिनिधि सभाअन्तर्गतको अन्तर्राष्ट्रिय सम्बन्ध समितिको बैठकको छलफलमा उपस्थित भएका प्रधानसेनापति शर्माले मिलिटरी तालिमभन्दा पनि भूकम्पको समय भएकाले विपद्मा काम गर्नका लागि पत्र लेखेको दाबी गरेका छन्।
नेपाली सेनाले २०७२ कात्तिक १० गते एसपीपीलाई पत्र पठाएको भन्दै उनले यस्तो दाबी गरेका हुन्।
‘२०७२ साल कात्तिक १० गते पत्र लेखिएको हो। यो मिलिटरी तालिमसँग सम्बन्धित छैन, त्यो भूकम्पको समय थियो, हामीले विपदमा काम गर्नुपर्ने भएकाले त्यसका लागि गरिएको हो’, उनले भने। उनले पत्र लेख्दैमा कुनै सैन्य गठबन्धन नहुने तर्क गरे।
उनले सैन्य गठबन्धन हुँदैन भनेर आफूले अमेरिकी अधिकारीहरुलाई भनेको बताए।
‘मैले सैन्य गठबन्धन हुँदैन भनेर अमेरिकी अधिकारीहरुलाई पनि भनेको छु। यसमा थप आशंका नगरौं। यहीँ निराकरण गरौं’ उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1793102318.png)
-1786602170.png)
