काठमाडौं– नेकपा एमालेले आफ्नो पार्टीको तर्फबाट पालिका प्रमुख र उपप्रमुख जितेकाहरुका लागि आयोजना गरेको प्रशिक्षण कार्यक्रम शुक्रबार सकिँदैछ।
काठमाडौंमा बिहीबार सुरु भएको दुईदिने प्रशिक्षण कार्यक्रम शुक्रबार समापन हुनेछ। प्रशिक्षण तथाा अभिमुखीकरण कार्यक्रमलाई अध्यक्ष केपी शर्मा ओलीले उद्घाटन गरेका थिए। त्यसक्रममा उनले चुनाव जितेकाहरुलाई चुनाव नभएर महासंग्राम जितेको संज्ञा दिएका थिए।
उनले पार्टी भित्रैबाट अन्तरघात नभएको भए २९३ सिट (स्थानीय तहको प्रमुख/अध्यक्ष) जितिने हिसाब पनि सुनाए।
स्कुल विभागले आयोजना गरेको प्रशिक्षण तथा अभिमुखीकरण कार्यक्रममा देशभरका पालिकामा निर्वाचित एमालेका प्रमुख/उपप्रमुख सहभागी छन्।
वैशाख ३० गते सम्पन्न भएको स्थानीय तहको निर्वाचनमा एमालेले २०५ पालिका प्रमुख/अध्यक्ष र २४० पालिकामा उपप्रमुख/उपाध्यक्ष जितेको थियो। उनीहरू सबैलाई काठमाडौं बोलाएर एमालेले प्रशिक्षित गरेको हो।
प्रशिक्षणमा सहभागी जनप्रतिनिधिका लागि एमालेले बिहीबार साँझ रात्रिभोज आयोजना गरेको थियो। कार्की ब्यांक्वेटमा गरिएको रात्रिभोजमा अध्यक्ष ओली पनि सहभागी भएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
