काठमाडौं– स्थानीय तह निर्वाचन २०७९ मा निर्वाचन आयोगको भूमिकामाथि एकीकृत समाजवादीले प्रश्न उठाएको छ। अध्यक्ष माधव नेपालले स्थायी कमिटी बैठकमा पेस गरेको प्रतिवेदनमा निर्वाचन आयोग पूर्ण रुपमा निष्पक्ष नरहेको उल्लेख गरिएको छ।
भनिएको छ, ‘प्रशासनिक हिसाबले हेर्दा पहिलो कुरा त निर्वाचन आयोग नै पूर्ण रूपले निष्पक्ष रहेन। उसले भन्ने एउटा गर्ने अर्को समेत गर्यो। उदाहरणको लागि महानगरपालिकाको हकमा उम्मेदवार भएका चिन्ह मात्र राखेर मतपत्र छाप्ने भन्यो तर काम उल्टो गर्यो। उम्मेदवार नभएका चिन्ह पनि राखेर मतपत्र छाप्यो।’
कतिपय निर्वाचन अधिकृतहरूले निष्पक्ष ढंगले कामसमेत नगरेको आरोप लगाइएको छ। कतिपय ठाउँमा प्रहरी प्रशासनले पनि निष्पक्ष व्यवहार नगरेको प्रतिवेदनमा उल्लेख छ।
यसैगरी एकीकृत समाजवादीले अपेक्षित परिणाम ल्याउन नसक्नुमा मतपत्र मुख्य प्राविधिक समस्याको रूपमा रहेको जनाएको छ। छवटा मतपत्र एकै ठाउँमा राखेर बनाइएको मतपत्रको ढाँचा नै धेरै भद्दा भएको औंल्याइएको छ।
‘उम्मेदवार नरहेका चिन्ह राखेर मतपत्र छाप्नु गलत भयो। मतपत्र बेठिक भएकै कारणले धेरै मत बदर भए र मत बदर भएको कारणले धेरै उम्मेदवारहरूले पराजित घोषित हुनुपर्यो,’ प्रतिवेदनमा भनिएको छ, ‘त्यसरी पराजित घोषित भएका उम्मेदवारमा एकीकृत समाजवादीका उम्मेदवार सबैभन्दा धेरै रहनु भएको छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771505229.png)
-1764146706.png)
