काठमाडौं- नेकपा एकीकृत समाजवादीका सम्मानित नेता झलनाथ खनालले पार्टीबाट मन्त्री फिर्ता बोलाउने निर्णय भइसकेकोले त्यसबारे थप निर्णय आवश्यक नभएको बताएका छन्।
मंगलबार पार्टीको स्थायी कमिटी बैठकबाट बाहिरिने क्रममा सञ्चारकर्मीसँग प्रतिक्रिया दिँदै नेता खनालले एकीकृत समाजवादीको सचिवालय बैठकले मन्त्री फेरबदलको निर्णय गरिसकेको र त्यसबारे स्थायी कमिटीमा छलफल आवश्यक नभएको बताएका हुन्।
'मन्त्री फिर्ताबारे निर्णय भइसकेको छ, त्यसबारे केही गर्नु पर्दैन' खनालले भने।
मंगलबारको बैठक स्थानीय तह निर्वाचनको समीक्षा बैठक भएको र यसबारे प्रतिवेदन पेस भएको उनले जानकारी दिए।
स्थानीय तहको चुनावमा पाँच दलकाबीचमा गठबन्धन भएको भए पनि सम्मानजन हुन नसकेको र आउनु पर्ने परिणाम नआएको उनको भनाइ छ।
'पाँच दलको बीचमा जुन ढंगले हुनु पर्ने थियो त्यो भएन सम्मानजनक एकता भएन आएनु पर्ने परिणाम आएन' उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
