काठमाडौं– सत्ता गठबन्धनको दल नेकपा (एकीकृत समाजवादी) का अध्यक्ष माधवकुमार नेपालले प्रधानमन्त्री शेरबहादुर देउवाले अमेरिका भम्रणबारेमा संसद्, संसदीय समिति र नागरिकलाई जानकारी दिनुपर्ने बताएका छन्।
सोमबार प्रतिनिधि सभा अन्तर्गतको अन्तर्राष्ट्रिय सम्बन्ध समितिमा परराष्ट्र नीतिबारे बोल्दै नेपालले प्रधानमन्त्रीको अमेरिका भ्रमणको विषयमा धेरै प्रश्नहरु उठेकाले प्रधानमन्त्रीले संसद्, समिति र देशलाई जानकारी दिनुपर्ने बताए।
भ्रमणमा देशलाई उचित हुने भन्दा बाहेक अन्य कुनै पनि गतिविधिहरु सरकारले गर्न नहुने नेपालको भनाइ छ। असंग्लन परराष्ट्र नीतिबाट सरकार अविचलित भएर अगाडि बढ्न नहुने पनि नेपालले बताए।
नेपालले परराष्ट्र नीतिको विषयमा कुनैपनि किसिमको दबाब र धम्की स्वीकार्य नहुने बताए। अध्यक्ष नेपालले सरकारका परराष्ट्रमन्त्री अन्तर्राष्ट्रिय सम्बन्धको विषयमा छलफलमा वर्तमान सरकारको अन्तर्राष्ट्रिय नीतिको विषयमा जानकारी गराउनु उपस्थिति जनाउनुपर्ने बताए।
पहिलोपटक नेपालमा विदेशी सेना रहेको सुनेको पनि नेता नेपालको भनाइ थियो। विदेशी सेना नेपालमा आएर बस्नु गम्भीर विषय रहेको भन्दै अध्यक्ष नेपालले समितिमा सरकारको ध्यानाकर्षण गर्न माग गरे।
'समितिका धेरै कुराहरु उठेका छन्। त्यसले आंशकित बनाएको छ। विदेशी सेना नेपालमा छन्। मैले भर्खरै पहिलो चोटी सुनेँ। त्यो हो भने गम्भीर कुरा हो। कहाँ छन्, कुन कुन देशका छन्, कुन क्याम्पमा राखिएको छ। त्यसमा बारेमा समितिको ध्यान जानुपर्छ,' नेपालले भने।
अध्यक्ष नेपालले सरकारले लिने वैदेशिक ऋण सहायताका प्रावधानहरुमा धेरै त्रुटि रहेको उल्लेख गर्दै त्यसलाई सच्याउनुपर्ने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775018854.png)
