काठमाडौं– दार्चुलामा कुनै पनि पालिकाको प्रमुख/अध्यक्ष नजितेको कांग्रेसले जिल्ला समन्वय समितिको प्रमुख जितेको छ। सत्ता गठबन्धनको उम्मेदवारका रुपमा नेपाली कांग्रेसका महादेव बडू (कश्यप) जिसस प्रमुखमा विजयी भएका हुन्।
त्यस्तै, उपप्रमुखमा नेकपा माओवादी केन्द्रका अमर सिंह ठगुन्ना विजयी भएका छन्।
जिल्ला समन्वय समिति सदस्यमा कांग्रेसका ५ जना र माओवादी केन्द्रका ४ जना निर्वाचित भएका छन्।
सदस्यमा गठबन्धनबाट नेपाली कांग्रेसका पुस्कर सिंह धामी, खडक सिंह धामी र बलदेव सिंह ठगुन्ना, महिला सदस्य सरस्वती सार्की, दलित सदस्यमा कमला सुनार निर्वाचित भएका छन्।
यस्तै, महिला सदस्यमा नेकपा माओवादी केन्द्रका असमती टमटा र गौरी टमटा निर्वाचित भएका छन्।
गठबन्धनका उम्मेदवारहरु १० मत ल्याएर विजयी भए। प्रतिस्पर्धीका रुपमा रहेका एमाले उम्मेदवारहरुले ८ मत पाएका थिए। स्थानीय निर्वाचन सम्पन्न भएको एक महिनाभित्र जिसस गठन गर्नुपर्ने संवैधानिक व्यवस्थाअनुसार सोमवार निर्वाचन गरिएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
