काठमाडौं- नेकपा एमालेका सांसदहरुले 'सत्ता कसरी चलाउने हामी देखाइदिन्छौं भन्ने सत्ता पक्षका सांसदलाई जवाफ फर्काएका छन्।
गतवर्ष एमाले नेतृत्वको सरकार ढलेर बनेको नेपाली कांग्रेस नेतृत्वको सरकार आएपछि कांग्रेस सांसद मिनेन्द्र रिजालले 'सरकार कस्तो हुन्छ चलाएर देखाइदिन्छौं' भनेका थिए।
उनलाई लक्षित गर्दै एमाले संसदीय दलका प्रमुख सचेतक विशाल भट्टराईले उनलाई सम्झाएका छन्। मलका विषयमा छलफल गर्न संसद स्थगन प्रस्ताव पेश गर्दै उनले भने, 'एकजना सांसदले असार २८ पछि सरकार बन्दा भन्नुभएको थियो- 'सरकार कस्तो हुन्छ, हामी चलाएर देखाइदिन्छौं। झलझली दिनैपिच्छे देख्न पाइएको छ।'
उनले ती सांसद संसदमा त्यति उपस्थित पनि नहुने गरेको बताउँदै अनुहार चाहिँ सम्झिएको बताए। उनले थपे, 'उहाँ संसदमा त्यति देख्दिनँ। आफूले बोल्ने बेला मात्रै झुल्किनुहुन्छ। सरकार कस्तो हुन्छ भन्ने देखाइदिए हुन्थ्यो।'
उनलाई कृषकलाई रुवाएरु देखाउने भनेर भन्न खोजेको भन्दै प्रश्न गरे। त्यसपछि बोलेका नारायण प्रसाद खतिवडाले पनि सोही प्रसंग उप्काए। भट्टराईको प्रस्ताव समर्थन जनाउँदै उनले थपे, 'सरकार कसरी चलाइन्छ देखाउँछौं भन्ने साथीहरु ९ सयको मल २७ सयमा किन्नुपर्छ। सरकार यसैगरी चलाउनुहुँदो रहेछ।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787239320.jpg)
-1787821305.jpg)
-1786602170.png)
-1787821306.jpg)
-1786513116.png)
