काठमाडौं- नेकपा एमालेका सांसद पवित्रा निरौला खरेलले मल पाएन भनेर सरकार पन्छिन नपाउने बताएकी छन्।
प्रतिनिधि सभाको बैठकमा नियमित कार्यसूची स्थगन गरेर नेकपा एमालेले रासायनिक मलका लागि गरेको सार्वजनिक महत्वको प्रस्तावमा बोल्दै उनले यस्तो बताएकी हुन्।
‘सरकारले मलको व्यवस्था गर्न सक्दैन। कृषि प्रधान देश भन्न पनि असहज हुन्छ। कृषि प्रधान देशमा त्यही अन्नपात खाएर बाचिरहेका छौं। बाली लगाउने समयमा मलको अभावले गर्दा उत्पादनमा बृद्धि गर्न नसक्ने अवस्था छ,’ उनले भनिन्, ‘मल तत्काल उपलब्ध गराउनुपर्छ। मल पाएन भनेर सरकार पन्छिन पाउँदैन। कसरी हुन्छ मल भित्र्याएर किसानहरुको समस्या समाधान गर्नुपर्छ।’
उनले कृषिमा ३० प्रतिशत बृद्धि गर्ने भनेर नीति तथा कार्यक्रममा आएको भन्दै त्यो बृद्धि गर्न चाहिने मल जनतालाई दिन नसके कसरी उत्पादन बढ्छ भन्दै प्रश्न गरिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
