काठमाडौं– नेकपा एमालेका महासचिव शंकर पोखरेलले स्थानीय तहको निर्वाचनमा यसअघि जितेका ठाउँहरूको तुलनामा हारेका ठाउँहरूमा चुनाव जित्न सजिलो भएको बताएका छन्।
शनिबार एमालेबाट निर्वाचित ललितपुरका जनप्रतिनिधिलाई प्रशिक्षण दिँदै महासचिव पोखरेलले जनताको निगरानीले त्यस्तो भएको बताए।
‘जहाँ हामीले चुनाव जित्यौं वा हाम्रा विपक्षीहरूले चुनाव जिते, ती चिजहरू जनताको निगरानीमा रहेछन्। हामीले जनतालाई यथोचित रुपमा सम्बोधन गर्न चुकेका रहेछौं’, उनले भने।
पोखरेलले जनप्रतिनिधिको रूपमा जे काम गर्छौं, त्यो कामका बारेमा कुनै प्रश्न वा जिज्ञासा भएमा जनतालाई समयमै स्पष्ट पार्नुपर्ने बताए।
‘राम्रो काम गरेपछि कसैले के भन्छ, के मतलब भन्ने जुन धारणा छ, काम राम्रो गरे भइहाल्यो नि भन्ने जे मान्यता छ, लोकतन्त्रमा त्यतिले मात्रै पुग्दोरहेनछ। यदि तपाईं कुनै काम गर्नुहुन्छ भने त्यो कामको चर्चा परिचर्चा गर्न सक्नुपर्छ’, उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766385589.png)
-1766381844.png)
-1764146706.png)
-1763721444.png)
