काठमाडौं–जिल्ला समन्वय समिति सुर्खेतको प्रमुखमा एमालेका गंगाराम सुनार र उपप्रमुखमा माओवादी केन्द्रका सचिनकुमार बडुवाल निर्वाचित भएका छन्।
मुख्य निर्वाचन अधिकृत डा राजेन्द्रकुमार आचार्यका अनुसार एमाले र माओवादी केन्द्रको गठबन्धनबाट सुनार र बडुवाल निर्वाचित भएका हुन्। त्यस्तै महिला सदस्यमा चन्द्रा धामी, शान्ति ताराम र मीना मल्ल, अन्य सदस्यमा तुलबहादुर नेपाली, डिल्ली पाण्डे र पृथ्वीबहादुर बुढा तथा अल्पसङ्ख्यकतर्फ सावित्रा टमटा निर्वाचित भएका छन्।
यस्तै, कपिलवस्तु जिल्ला समन्वय समितिको प्रमुखमा एमालेका बाबुराम आचार्य निर्वाचित भएका छन्। प्रमुखका उम्मेदवारले बराबर मत प्राप्त गरेपछि गोलाप्रथाबाट आचार्य निर्वाचित भएका हुन्।
उपप्रमुखमा एमाले, लोसपा र राप्रपा गठबन्धनबाट रमेश कुर्मी निर्वाचित भएका छन्। मत बराबर भएपछि जिल्ला समन्वय समितिका ६ सदस्यको समेत गोलाप्रथाबाटै चयन गरिएको थियो । सदस्यहरुमा कांग्रेसकी सुनिता चमार, माओवादी केन्द्रका राजेन्द्रप्रसाद कुर्मी, कांग्रेसका मनोहर धुनियाँ र जसपाका रामु अहिर निर्वाचित भएका छन्।
यस्तै गोलाप्रथाबाटै सदस्यमा एमालेकी शकुन्तला भण्डारी र सुमित्रा दमाई तथा जसपाकी सन्ध्या पौडेल खान निर्वाचित भए। समन्वय समितिको निर्वाचनमा कांग्रेसले जनता समाजवादी पार्टी नेपाल र माओवादी केन्द्रसँग गठबन्धन गरेको थियो । एमालेले राष्ट्रिय प्रजातन्त्र पार्टी र लोकतान्त्रिक समाजवादी पार्टीसित चुनावी तालमेल गरेको थियो।रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787798392.jpg)
-1786602170.png)
-1787821306.jpg)
-1786513116.png)
