काठमाडौं– सहरी विकासमन्त्री रामकुमारी झाँक्रीले काठमाडौंको फोहोर व्यवस्थापनका लागि ठूला ल्याण्डफिल्ड साइटको विकल्पमा साना व्यवस्थापन केन्द्र खोज्नुपर्ने बताएकी छन्।
शुक्रबार मन्त्रालयमा बञ्चरेडाँडाका स्थानीयसँग भएको छलफलका क्रममा मन्त्री झाँक्रीले यस्तो बताएकी हुन्। उनले ठूला ल्याण्डफिल्ड साइट बन्न समय लाग्ने भएकाले त्यसको विकल्पमा स–साना फोहोर, ढल व्यवस्थापन केन्द्र खोज्नुपर्ने बताएकी हुन्।
उनले शुक्रबारदेखि नै काठमाडौं उपत्यकाको फोहोर उठाउन सम्बन्धित सबै निकायलाई अनुरोध गरेकी छन्।
शुक्रबार बिहान सिसडोलवासीसँग सहरी विकास मन्त्री, प्रधानमन्त्री कार्यालयका सचिवलगायत अन्य मन्त्रालयका सचिव, काठमाडौं र ललितपुुर महानगरपालिकाका मेयर, ककनी र धुनिवेशी गाउँपालिका प्रमुख र ककनी नगरपालिकाका मेयर तथा अन्य सम्बन्धित जिल्लाका जनप्रतिनिधिसहित छलफल भएको थियो।
उक्त छलफलबाट फोहोर व्यवस्थापनको सहमति भएको थियो। छलफलमा बोल्दै मन्त्री झाँक्रीले तत्कालको समस्या समाधान गर्न सम्झौता गर्ने र त्यसपछि फर्किएर नजाने प्रवृत्तिका कारण यो समस्या सिर्जना भएको बताइन्।
सरकारले बञ्चरेडाँडा र सिसडोलवासीको माग पूरा गरेर मात्रै अघि बढ्ने विश्वास मन्त्री झाँक्रीले दिलाएकी छन्। यसअघि धेरै सम्झौता र कागज गरिसकेको उल्लेख गर्दै अब कागज भन्दा पनि काममा विश्वास गर्न आग्रह उनले आग्रह गरिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
