सांसद तामाङको प्रस्ताव– विद्युत्‌काे विकास गरौं, नत्र ऊर्जा मन्त्रालयको खर्च एक रुपैयाँ गरौं

राजनीति

नेपाल लाइभ शुक्रबार, जेठ २७, २०७९ १३:१७

काठमाडौं– नेकपा एमालेका सांसद शेरबहादुर तमाङले नेपालको आर्थिक समृद्धिका लागि विद्युत्‌काे विकास नै एक मात्र विकल्प भएको बताएका छन्। सरकारले विद्युत्‌काे विकास लागि योजनाबद्ध लगानी गर्नुपर्ने उनको तर्क छ।

बजेटमाथिको छलफलमा भाग लिँदै सांसद तामाङले ऊर्जा, जलस्रोत तथा सिंचाई मन्त्रालयले यस्तो काम गर्न नसक्ने हो भने खर्च आवश्यक नहुने भन्दै एक रुपैयाँ बनाउन माग गरे।

नेपालले राम्रोसँग ऊर्जाको विकास गर्न सकेमा सबै नेपालीलाई घरायसी प्रयोजनका लागि विद्युत् निःशुल्क दिन सकिने उनले दावी गरे।

जलायशयुक्त आयोजनाहरू निर्माणका लागि सरकार गम्भीर हुनुपर्ने भन्दै उनले कुनै पनि समयमा विद्युत् उत्पादन गरेर क्षमता बढाउन सके भारतमा बिक्री गरेर नेपालको आर्थिक विकास गर्न सकिने बताए।

उनले भने, ‘अब विद्युत् विकासका लागि विस्तृत योजना बनाएर विदेशी लगानी पनि भित्र्याउनुपर्छ। हरेक विद्युत्‌गृहमा जनताको लगानी सुनिश्चिता कायम गर्न सकेमा नेपालीहरूको स्वामित्व र लगानी बढ्दै जान्छ।’

पर्याप्त मात्रामा विद्युत् उत्पादन गर्न सके देशमात्रै नभई नेपाली जनता पनि आर्थिक समृद्धिको बाटोतर्फ अग्रसर हुने उनले बताए। यदि ऊर्जा मन्त्रालयले विद्युत्‌मा लगानी भित्र्याउने र क्षमता बढाउने काम गर्न सक्दैन भने मन्त्रालयको बजेट एक रुपैयाँ बनाउनुपर्नेृ प्रस्ताव राखेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

स्थिर सरकार बने मात्र राजनीतिक स्थायित्व हासिल गर्न सकिन्छ : महासचिव पोखरेल

चीन अमेरिकासँग 'जस्तोसुकै युद्ध'का निम्ति तयार

जनकपुरमै पांग्रा छोडेर बुद्ध एयरको जहाज काठमाडौं अवतरण गरेपछि छानबिन सुरु