काठमाडौं– नेपाली कांग्रेसका केन्द्रीय सदस्य प्रदीप पौडेलले पार्टीभित्र फरक–फरक धारणा रहेकाले पनि स्थानीय तहको निर्वाचनमा गठबन्धन प्रभावकारी हुन नसकेको बताए। बिहीबार काठमाडौंमा सञ्चारकर्मीसँग कुरा गर्दै पौडेलले यस्तो बताएका हुन्।
उनले पार्टीभित्रकै सम्पूर्ण शक्ति जिताउनका लागि नलागेको बताए। गठबन्धनको कारणले कांग्रेसको परिणामलाई घटाएको र घाटा भएको निष्कर्ष पार्टीको नरहेको स्पष्ट पारे।
उनले भने, ‘गठबन्धनले हाम्रो परिणामलाई घटाएको छ। उथलपुथल बनाएको छ। पार्टीलाई घाटा भएको छ भन्ने हाम्रो निष्कर्ष होइन, तर गठबन्धन पनि प्रभावकारी हुनसकेन। अझै त्यो भन्दा बढी हाम्रो कांग्रेस पार्टीको सम्पूर्ण शक्ति नेपाली कांग्रेसलाई नै जिताउनका लागि लागिपरेन। हामीले त्यो स्थिति निर्माण गर्न पनि सकेनौं।’
उनले पार्टीको सम्पूर्ण शक्ति जिताउनका लागि लाग्ने परिस्थिति निर्माण गर्नुपर्ने बताएका छन्। उनले भने, ‘पार्टीभित्रै एक भयौं भने थप उपलब्धीका लागि गठबन्धन गर्ने स्थिति बनाउनुपर्छ।’
उनले महानगरपालिका र उपमहानगरपालिकाको हकमा केन्द्रीय तहबाटै गठबन्धन गर्ने निर्णय गर्नुले पनि परिणाम नआएको बताए। स्थानीय परिस्थितिजन्य गठबन्धन नभएका कारण पनि महानगर र उपमहानगरमा अपेक्षाकृत नतिजा आउन नसकेको उनको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1771566457.png)
