नयाँदिल्ली-पूर्व कांग्रेस नेता हार्दिक पटेलले प्रधानमन्त्री नरेन्द्र मोदी र अमित शाहमाथि गरेका पुराना टिप्पणी यतिबेला सामाजिक सञ्जालमा भाइरल भइरहेका छन्। कारण हो, उनी बीजेपीमा प्रवेश गर्नु।
जुन बीजेपीका विपक्षमा पाटीदार आन्दोलन गरेर उनी नेता बने, जुन बीजेपीका मुख्यमन्त्रीको कुर्सी उनकै कारण गयो, जुन बीजेपी नेतृत्वलाई उनी पहिले गुन्डा भनेर सम्बोधन गरि थाक्दैनथे, जुन बीजेपीले उनीमाथि देशद्रोहको संगीन आरोप लगायो– आज त्यही बीजेपीमा उनी प्रवेश गरेका छन्।
उसो त राजनीतिमा कोही स्थायी शत्रु वा मित्र हुँदैन। यही कारण बीजेपीका केही नेताहरूसमेत हात फैलाएर हार्दिकलाई स्वागत गरिरहेको देखिन्छन्। तर, बीजेपीका पुराना नेताहरूको मन उनीसँग मिल्छ कि मिल्दैन, यो पछि देखिएला।
गुजरातमा चर्चा छ, हार्दिक पटेललाई पार्टीमा सामेल गर्ने फैसला केन्द्रीय नेतृत्वले लिएको हो। यसकारण बीजेपीमा हार्दिक पटेलको सामेललाई लिएर राज्य दुई खेमामा बाँडिएको छ। यसलाई कसैले स्वीकार भने गरिरहेका छैनन्।
बीबीसी हिन्दीसँग कुराकानी गर्दै गुजरातका बीजेपी प्रवक्ता यगनेश दवेले उनको पुरानो टिप्पणीलाई लिएर बिजपीमा सामेल हुने कुरामाथि भने, ‘ती टिप्पणी त्यतिबेला हुन्। जतिबेला उनी कांग्रेस नेता थिए। उनी पाटदार समाजका लागि आन्दोलन गरिरहेका थिए। त्यतिबेला उनले त्यस्तो बोलेका थिए। जुन प्रश्न लिएर उनी आएका थिए, ती अब बाँकी रहेनन्। जुन उनका माग थिए, ती पनि पूरा भइसकेका छन्।’
उनले कांग्रेस छाडेर नरेन्द्र मोदीको राष्ट्रवादको विचारधारमा सामेल भइरहेका कारण कुनै समस्या नरहेको बताए। हार्दिक पटेलले १८ मे मा कांग्रेसबाट राजीनामा दिएका थिए। जुन २ मा बीजेपीमा सामेल भएका हुन्। हार्दिकको विचारधारामा यो परिवर्तन यही २० दिनको देन हो।
हार्दिकले कांग्रेसबाट राजीनामा दिएपछि नै अन्दाज चलिरहेकको थियो– उनी बीजेपीमा जाँदैछन्। कांग्रेस प्रवक्ता रागिनी नायकले राजीनामा पत्र पढेर ट्विटमा लेखेकी थिइन्, ‘पत्र पढेपछि लाग्छ, गएराति मोदीजीले डिक्टेशन दिएका थिए।’
गुजरात कांग्रेसका अध्यक्षले हार्दिकमाथि यहाँसम्म आरोप लगाए कि हार्दिकमाथि चलिरहेको मुद्दाबाट डराएर बीजेपी ज्वाइन गरिरहेका छन्। राज्यको राजनीतिमा पकड राख्ने कति पत्रकारसमेत यही ठान्छन्।
एबीपी न्युज च्यानलमा अन्तरर्वार्ता दिएर आफूमाथि लागेका यी आरोपको सफाइ पनि दिए। उनले भनेका थिए, ‘जब तपाईं कसैलाई धेरै डराउनुहुन्छ। डर आफैं सकिन्छ। म पहिले ९ महिना जेलमा रहेको छु। ६ महिना त गुजरातभन्दा बाहिर रहेको छु। एकै देश र एउटै राज्यमा देशद्रोहका दूई–दुई मुद्दा लागेका छन्।’
त्यसका कारण आफ्नो चार वर्ष बिग्रेको भन्दै २५ वर्षकै उमेरमा सांसद बन्ने मौका गुमाएको बताएका छन्। तर, कांग्रेससँग केही नलिएको उनको भनाइ छ।पाटदारका लागि आरक्षणको माग लिएर आफ्नो कडा विरोध प्रदर्शनबाट प्रधानमन्त्री मोदी, बीजेपी र गुजरातलाई हल्लाएका पटेल २०१५ मा चर्चामा आएका थिए।
उनले सन् २०१९ मा कांग्रेस ज्वाइन गरे।सन् २०२० मा उनलाई गुजरात कांग्रेसको कार्यकारी अध्यक्ष बनाइयो। उनीमाथि कुल २३ मुद्दा छन्। त्यसमा कति त देशद्रोहका छन्।
विरमगामका पटेल मेशसाणाका विधायकको कार्यकक्ष तोडफोडको मुद्दामा कानुनी कारबाही सामना गरिरहेका छन्। यसबाहेक देशद्रोहको मुद्दा चलिरहेको छ।
विरमगामा चलिरहेकका मुद्दाका कारण उनी सन् २०१९ मा चुनाव लड्न पाएनन्। यही फैसलालाई चुनौती दिन सुप्रिम कोर्ट पुगे, जहाँबाट उनलाई यही वर्ष चुनाव लड्ने अनुमति मिल्यो।
हार्दिकले एउटा पनि चुनाव अहिलेसम्म लडेका छैनन्। यसपल्ट विधान सभाको चुनाव लड्न सक्छन्। तर कांग्रेसमा उनको सिट फाइनल हुने कुरामा ढिलाइ भइरहेको थियो। त्यही पाटीदारका ठूला नेता नरेश पटेल पनि कांग्रेसमा सामेल हुने चर्चा थियो।
केही जानकारहरू चुनाव लड्ने उनको आकांक्षाले बीजेपीमा सामेल हुन आतुर बनाएको बताउँछन्। यहीबीच सवाल उठ्छ–बीजेपीबाट चुनाव लड्न पाउँछन् हार्दिक पटेल?
हार्दिक विधानसभा चुनाव लड्छन कि लड्दैनन्? बीजेपी नेता यगनेश दवे भन्छन्, ‘हार्दिक चुनाव लड्ने विषयमा पार्टीमा कुनै फैसला वा मुड बन्दैन। बीजेपीमा नेताको काम देखेर उनीहरूको रोल तय गरिन्छ।’ सत्य के हो भने हार्दिक चुनाव कहाँबाट लड्छन् भन्ने कुराको आश्वासन बीजेपी नेताहरू सञ्चारमाध्यमबाट बताउन चाहँदैनन्।
गुजरातको राजनीतिमा पकड राख्ने वरिष्ठ पत्रकार अजय उमठ भन्छन्, ‘हार्दिक पटेल महत्वाकांक्षी छन्। राजनीतिमा उनी धेरै गर्न चाहन्छन्। जसका लागि चुनाव लड्न जरुरी छ।’
उनी विरमगामबाट चुनाव लड्न चाहन्छन्। यदि नरेश पटेल कांग्रेसमा सहभागी भए भने उनकाविरुद्ध बीजेपीले हार्दिक पटेललाई नै चुनाव लडाउने सम्भावना बढी रहन्छ। नरेशका अगाडि बीजेपीबाट हार्दिक सही विकल्प हुन सक्छन्। हार्दिक हार्दा पनि बीजेपीलाई हानी हुँदैन।
कांग्रेस गुजरातमा २५ सालदेखि सत्ताबाहिर छ। बीजेपीले यसपल्ट १८२ सिटमा १५० सिटको अपेक्षा गरेको छ।
हार्दिक पटेल एक पाटीदार नेता हुन्। गुजरातमा पाटीदार चुनाव जिताउनेमा निर्णायक छन्। १४ प्रतिशत पाटीदार छन्। पाटीदार पहिलेदेखि नै बीजेपीलाई भोट दिन्छन्। हार्दिक कांग्रेसमा बीजेपीका सबैभन्दा ठूला पाटीदार नेता मानिन्थे।
गुजरातमा सक्रिय पत्रकार राज गोश्वामी हार्दिकलाई बीजेपीमा जोड्ने रणनीति आफ्नो ताकत बढाउन मात्रै होइन, प्रतिपक्षको ताकत घटाउन पनि रहेको बताउँछन्। बीबीसीका गुजरात संवाददाता रक्सी गागदेकर छारा भन्छन्, ‘हार्दिकलाई पार्टीमा सहभागी गराउने विषयलाई लिएर एक गुटमा असन्तुष्टि छ। केही नेताको भनाइ छ–बीजेपीमा उनको हाल अल्पेश ठाकुर जस्तो हुन सक्छ।’
अल्पेश ठाकुरलाई पहिले बीजेपीले पार्टीमा सामेल गर्यो। फेरि चुनाव पनि लडायो र चुनावमा पार्टीका मान्छेले उनलाई नै हराइदिए। अहिले पार्टीमा उनलाई कसैले गन्दैन। कांग्रेसमा हार्दिक पटेल असन्तुष्ट हुनुका कारण थिए–कम उमेरका कारण पार्टीमा उनी किनाराकृत थिए। उनीसँग पद त थियो तर पदअनुसार उनलाई कसैले गन्दैनथ्यो। उनले पार्टीमा आफ्नो भूमिकालाई लिएर भनेका थिए–पार्टीमा मेरो अवस्था त्यस्तो नयाँ दुलहाको जस्तो छ, जसको परिवार नियोजन गरिएको छ।
के अब बीजेपीमा उनलाई कांग्रेसभन्दा बढी महत्व दिइएला? वरिष्ठ पत्रकार दीपल त्रिवेदी भन्छन्, ‘बीजेपी हार्दिकलाई पार्टीमा सामेल गरेर यो बताउन चाहन्छ कि ऊ जसलाई पनि तोड्न सक्छ। ऊ हार्दिक पटेल नै किन नहोस्।’
उनी अघि भन्छन्, ‘यसबाहेक पाटीदार आन्दोलनमा हार्दिकले एक माहोल बनाइदिएका थिए कि पाटीदार बीजेपीसँग जोडिँदैन। बीजेपी हत्यारा पार्टी हो। १४ युवा पाटीदार आन्दोलनका समयमा सहिद भए। हार्दिकलाई पार्टीमा ल्याएर उसले सन्देश दिइरहेको छ कि ऊ सवैलाई आफ्नो पार्टीमा मिलाउन सक्छ।’
यदि हार्दिक कांग्रेसमा रहन्थे भने १० वर्ष जेलमा हुन्थे। गुजरातमा हार्दिकका लागि भनिन्छ, ‘उनका अघि तीन विकल्प थिए–बेल, जेल या बीजेपी।’
उनले बीजेपी चुने।
यस कोणबाट बीजेपी हार्दिकका लागि राम्रो विकल्प हो।?
यो प्रश्नको जवाफमा दीपल त्रिवेदी भन्छन्,‘बीजेपीमा हार्दिक एक शो पिस बनेर रहन्छन्। बीजेपी उनलाई चुनावसम्म प्रयोग गर्छ। त्यसमा कुनामा बसाउँछ। आत्मसम्मान मिल्ने छैन। कांग्रेसमै रहनु उनका लागि लाभदायक थियो।’
वरिष्ठ पत्रकार राज गोस्वामी भने बीजेपीका लागि हार्दिक पटेल उति कामका नेता होइनन्। उनले न चुनाव जितेका छन् न त कुनै ठूलो जनआधार छ। चुनावपछि बीजेपीमा हराउनेछन्। उनीसँग कुनै राजनीतिक दूरदृष्टि पनि छैन। उनका लागि बीजेपीमा जानु राजनीतिक आत्महत्या हो।
बीबीसी हिन्दीबाट अनुवादित
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
