अर्घाखाँची बस दुर्घटना : ८ जनालाई हेलिकप्टरबाट काठमाडौं ल्याइयो, ३७ जनाको बुटवलमा उपचार

ब्लग

नेपाल लाइभ शुक्रबार, असोज २०, २०७४ १८:५८

अर्घाखाँची, (रासस) मालारानी गाउँपालिका–३ सापडाडाँमा भएको बस दुर्घटनाका गम्भीर घाइते आठ जनालाई उपचारका लागि नेपाली सेनाको हेलिकप्टरबाट काठमाडौं पठाइएको छ।

काठमाडौँ पठाइएकामा सन्धिखर्क –११ का गोमा बस्याल र शान्ता भुसाल, मालारानी गाउँपालिका–२ का २१ वर्षीय उमेश कुँवर र ३८ वर्षीया यमकला भुसाल, मालारानी–३ का १८ वर्षीय भानुभक्त आचार्य, ३१ वर्षीय इन्दिरा आचार्य खनाल, तिलोत्तमा नगरपालिका–३ की ६७ वर्षीया भविकला भट्टराई र गुल्मी धुर्कोटका शोभे सार्की छन्।

टाउकामा चोट लागेका घाइतेलाई सेनाको हेलिकप्टरमार्फत त्रिवि शिक्षण अस्पतालमा सिफारिस गरिएको प्रजिअ पखमराज भुसालले बताए।

बस दुर्घटनाका ३७ घाइतेको लुम्बिनी अञ्चल अस्पताल बुटवलमा उपचार भइरहेको र दुई सामान्य उपचारपछि घर फर्केका छन् । दुर्घटना हुँदा दुई जनाको घटनास्थलमै ज्यान गएको थियो।

डाँडकटेरीबाट बुटवलका लागि छुटेको लु १ ख ७५७८ नंको बस सडकबाट ६० मिटर तल खसेको थियो । बसमा यात्रु धेरै भएको र बाटो भासिँदा दुर्घटना भएको हुन सक्ने प्रारम्भिक अनुमान प्रहरीले गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

इन्डोनेसियाको बाढी र पहिरोमा परी १६ जनाको मृत्यु,१० घाइते

नेपाललाई ६ महिनामा २५ अर्ब ७७ करोडको एफडीआई प्रतिबद्धता

निर्यात ३१ प्रतिशतले बढ्दा पनि व्यापार घाटा उच्च