काठमाडौं– भक्तपुर नगरपालिकामा लगातार ‘क्लीन स्वीप’ गरेर नेपाल मजदुर किसान पार्टी (नेमकिपा)ले देशभरि चर्चा बटुेको छ। भक्तपुरमा नेमकिपाले मेयर र उपमेयर दुवैमा मतान्तर बढाएको पनि छ। तर, भक्तपुर नगरबाहिर भने नेमकिपा आफैं क्लीन स्वीप भएको छ।
भक्तपुर नगरपालिकाबाहेक भक्तपुरकै चाँगुनारायण र मध्यपुर ठिमी नगरपालिकाका, जुम्लाको सिंजा गाउँपालिका तथा दैलेखको चामुन्डा विन्द्रासैनी नगरपालिकामा गरी नेमकिपाले ६ वटा वडा जितेको छ।
नेमकिपाले यसअघि जुम्ला र दैलेखका केही पालिकामा प्रभाव देखाउँदै आएको थियो। यी जिल्लामा २०५१ को संसदीय निर्वाचनमा एक–एक जना सांसद जित्न पनि सफल भएको थियो। तर, गएको निर्वाचन र यसपटक पनि यी जिल्लामा कुनै पालिका जित्न सकेन। बरु भएको जनमत पनि खस्किएको छ।
भक्तपुर नगरपालिकाबाहिर दैलेखको चामुन्डा विन्द्रासैनी नगरपालिकामा नेमकिपा सबैभन्दा सफल देखिएको छ। त्यस नगरपालिकाको नौमध्ये तीन वटा वडा नेमकिपाले जितेको छ। तर, मेयर र उपमेयरका उम्मेदवार भने तेस्रो स्थानमा खुम्चिएका छन्।
यस नगरपालिकाको मेयरमा कांग्रेसका गणेशकुमार शाही ४ हजार ७० मतसहित निर्वाचित हुँदा नेमकिपाका बखतबहादुर थापाले १ हजार ४६२ मत पाए। उपमेयरमा पनि कांग्रेसकी मनसरा कुमारी शर्माले ४ हजार ३८ मत पाउँदा नेमकिपाकी राजकुमारी शाही १ हजार २४२ मतसहित तेस्रो स्थानमा रहिन्। यो पालिकामा एमाले दोस्रो भएको छ।
दैलेखकै आठबीस नगरपालिकाको वडा नं. ९ मा प्रमुख प्रतिश्पर्धी भएको छ। त्यहाँ नेमकिपा उम्मेदवार कांग्रेस उम्मेदवारसँग १६० मतले मात्र पराजित भएका छन्। त्यस्तै वडा नं. ८ मा नेमकिपा तेस्रो भएको छ। विजयी हुने एमाले उम्मेदवारले ४९७ मत ल्याउँदा नेमकिपाका उम्मेदवारले २८२ मत पाएका छन्। अन्य चार वडामा उम्मेदवार नै छैनन् भने बाँकी तीन वटामा न्यून मत छ।
उता, जुम्लाको सिंजा गाउँपालिकामा नेमकिपा अघिल्लो चुनावमा प्रमुख प्रतिद्वन्द्वी भएको थियो। तर, यसपटक जमानत पनि जोगाउन सकेन। अघिल्लो पटक दुई वटा वडा जितेको नेमकिपा यसपटक एउटामा सीमित भएको छ।
अघिल्लो चुनावमा सिंजामा कांग्रेसका देवलसिंह रावल १ हजार ४३० मतसहित विजय हुँदा नेमकिपाका पूर्णप्रसाद धिताल १ हजार २०३ मतसहित प्रमुख प्रतिश्पर्धी भएका थिए। तर, उनै धिताल यसपटक माओवादी प्रवेश गरेर अध्यक्षको उम्मेदवार मात्र भएनन्, जितसमेत हासिल गरे।
धितालले १ हजार ९४९ मत पाए। पाँचौँ भएकी नेमकिपाकी कन्नी रावतले २२४ मत मात्र प्राप्त गरिन्। उनले पाएको मत वडा नं. ६ मा नेमकिपाबाटै वडाध्यक्ष निर्वाचित लालबहादुर बुढाको भन्दा कम हो। बुढाले ४७७ मत पाएका छन्।
उपाध्यक्षमा भने नेमकिपाकी उम्मेदवार तेस्रो भएकी छिन्। माओवादी केन्द्रकी सितली रोकाया १ हजार ९६६ मतसहित निर्वाचित हुँदा नेमकिपाका रणबहादुर रोकायाले १०९९ मत पाए। प्रमुख प्रतिद्वन्द्वी कांग्रेसकी रन्जकली शाहीले १ हजार ६९ मत पाइन्।
जुम्ला र दैलेखबाहेक नेमकिपाले चाँगुनारायणको वडा नं. ९ र मध्यपुर ठिमीको वडा नं. ८ मा जित हासिल गरेको छ। चाँगुनारायणको वडा नं. ९ मा नेमकिपाका गणेश त्यातले १ हजार ७८६ मत पाउँदा एमालेका श्रकण्ठ खड्काले ९०२ मत पाए। यसबाहेक वडा नं. ५ मा नेमकिपा प्रमुख प्रतिश्पर्धी भएको छ। उता मध्यपुर ठिमी–८ मा नेमकिपाका रमेश थापा श्रेष्ठले १ हजार २२६ मतसहित विजयी हुँदा कांग्रेसका दिलकृष्ण प्रजापतिले १ हजार ४५ मत पाए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
