रोगी आमालाई मुक्ति दिन भन्दै हत्या गर्ने छोरा पक्राउ

ब्लग

नेपाल लाइभ शुक्रबार, असोज २०, २०७४ १२:४८

काठमाडौं– आमाको हत्या गरेको आरोपमा कीर्तिपुर गुरुङटोलका एक जना पक्राउ परेका छन्।

महानगरीय प्रहरी वृत्त कीर्तिपुरले आफ्नै आमाको हत्या गरेको अभियोगमा कीर्तिपुर नगरपालिका–१० गुरुङटोल बस्ने ४६ वर्षीय बुद्धिबहादुर गुरुङलाई पक्राउ गरेको हो । गुरुङले ७३ वर्षीया आमा शान्ता गुरुङलाई सुतिरहेको अवस्थामा अचार कुट्ने खलले टाउकोमा हानी हत्या गरेका हुन्।

मृतकको अनुहार पहिचानमा कठिनाइ हुनेगरी खलले हानिएको अवस्थामा शव बरामद भएको प्रहरीले जनाएको छ । वृत्तका प्रमुख डिएसपी राजन चापागाईंले प्रारम्भिक अनुसन्धानमा अभियुक्त मानसिक रोगी भएको खुलेको बताए । डिएसपी चापागाईंका अनुसार घरमा आमा, छोरा र पाहुना आएकी माइजू खाना खाएर आ–आफ्नो कोठामा सुत्न गएपछि मध्यरातमा गुरुङ आएर सुतिरहेकी आमाको टाउकोमा खलले प्रहार गरेका थिए।

‘प्रारम्भिक बयानमा रोगले दु:ख पाएकी आमालाई मुक्ति दिन घटना गराएको बयान आरोपीले दिएका छन्, थप अनुसन्धान भइरहेको छ,’ डिएसपी चापागाईले नेपाल लाइभसँग भने

घटनास्थलमा रहेकी माइजूले समेत आरोपित गुरुङले मानसिक रोगको औषधि सेवन गरिरहेको र मृतकलाई घाउ-खटिराको समस्याले दु:ख दिइरहेको बताएको वृत्तले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

इन्डोनेसियाको बाढी र पहिरोमा परी १६ जनाको मृत्यु,१० घाइते

नेपाललाई ६ महिनामा २५ अर्ब ७७ करोडको एफडीआई प्रतिबद्धता

निर्यात ३१ प्रतिशतले बढ्दा पनि व्यापार घाटा उच्च