काठमाडौं– अन्तर्राष्ट्रिय विकास साझेदारहरूले नेपालका राजनीतिक दललाई निर्वाचनमा चन्दा नदिने घोषणा गरेका छन्। उनीहरुले संयुक्त विज्ञप्ति जारी गर्दै यस्तो घोषणा गरेका हुन्।
संयुक्त राष्ट्रसंघ, युरोपियन युनियन, जाइका, युके एड, कोइका लगायतका विकास साझेदारहरुले संयुक्त वक्तव्य निकालेर आफ्ना कर्मचारी र परियोजनाहरुले चन्दा वा जिन्सी सहयोगको दबाब सामना गर्नु परेको समेत दाबी गरेका छन्।
‘आउँदो निर्वाचन वा कुनै पनि समयमा चन्दा, नगद वा जिन्सी उपलब्ध गराइने छैन’, विज्ञप्तिमा भनिएको छ, ‘नेपालको महत्त्वपूर्ण स्थानीय निर्वाचन हुन गइरहेको सन्दर्भमा उल्लेखित सिद्धान्तहरुप्रति हाम्रो प्रतिवद्धतामा जोड दिन चाहन्छौं। त्यही भावना अनुसार हामी राजनीतिक दल, सरोकारवाला र अन्य समूहलाई यी सिद्धान्तहरु, नेपालको विकासलाई अघि बढाउन र आसन्न निर्वाचन सफल पार्न सामूहिक प्रयासलाई सम्मान गर्न अपिल गर्दछौं।’
कर्मचारी र परियोजनाहरुले सामना गर्नुपर्ने चुनौतीहरुप्रति चासो रहेको भन्दै उनीहरूले सरोकारवालहरुले चन्दा वा जिन्सी सहयोग उपलब्ध गराउन दिने दाबाब आउने गरेकाले सबै सरोकारवालालाई प्रष्ट पार्न चाहेको बताएका छन्।
‘हाम्रा कर्मचारी वा साझेदारहरुप्रति लक्षित कुनै पनि प्रकारको जबर्जस्ती, त्रास वा धम्की दिने कार्य स्वीर्कान सक्दैनौं’, उनीहरुको विज्ञप्तिमा भनिएको छ, ‘हाम्रा साझेदारहरु र कर्मचारीहरुलाई यस नीतिबारे निर्देशन दिइसकेका छौं। त्यसैले हामी नेपाल सरकार, राजनीतिक दल, सरोकारवालाहरु र अन्य समूहहरुसँग कार्यसञ्चालनका आधारभूत मार्गदर्शनका सिद्धान्तलाई सम्मान गर्दै नेपाली जनतालाई लाभान्वित गर्नका लागि निर्वाचनको सन्दर्भमा पनि विकास गतिविधिलाई बिनाअवरोध निरन्तरता दिन अनुरोध गर्दछौं।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1773732539.png)
-1773729220.png)
-1773728847.png)
-1764146706.png)
-1773643707.png)
