काठमाडौं– नेपाली कांग्रेसका नेता प्रकाशमान सिंहले पार्टीले गरेका निर्णयलाई सबैले मानेर अगाडि बढ्नुपर्ने बताएका छन्। पार्टीका नेताले पार्टीले गरेका निर्णय विरुद्धमा बोल्दा समाजमा भ्रम सृजना हुने भन्दै उनले यसप्रति सचेत रहन सबैलाई आग्रह गरे।
नेपाली कांग्रेस काठमाडौं क्षेत्र नम्बर १ ले शुक्रबार बानेश्वरमा आयोजना गरेको ‘घर–घर जाऔँ, कांग्रेस जिताऔँ’ अभियानको क्षेत्रीय भेलामा बोल्दै उनले पार्टीले गरेका निर्णयलाई सबैले मानेर अगाडि बढ्नुपर्ने बताएका हुन्।
उनले संविधानको रक्षाका लागि वर्तमान सत्ता गठबन्धन जोगाउनुपर्ने बताए। सिंहले आगामी स्थानीय तहको निर्वाचनमा स्थानीय आवश्यकताको आधारमा गठबन्धन गरिने पनि बताए।
'गठबन्धन जनताले दिएको म्याण्डेड नभई परिस्थितिले सृजना गरेको हो। यसलाई जोगाउँदै स्थानीय तहको निर्वाचनसम्म जानु अहिलेको आवश्यकता हो, स्थानीय आवश्यकताअनुसार आगामी निर्वाचनमा गठबन्धन हुन्छ,' नेता सिंहले भने।
नेता सिंहले देशको हरेक परिवर्तनको नेतृत्व कांग्रेसले गरेको भन्दै एमसीसीबारे जनताप्रति फैलाइएको नकारात्मक भ्रम चिर्न जरुरी रहेको उल्लेख गरे।
कांग्रेस केन्द्रीय सदस्य मोहनबहादुर बस्नेतले पार्टीको संगठन बलियो बनाउनका लागि सबै लाग्नुपर्ने बताए। यसपटक कांग्रेसको पक्षमा लहर आएको भन्दै उनले सबैले मिहिनेत गर्नुपर्ने बेला आएको उल्लेख गरे।
कांग्रेस काठमाडौंका सभापति कृष्ण सबुज बानियाले भ्रमको पक्षमा नलागी जनताको घरघरमा पुगेर कांग्रेसको पक्षमा भोट माग्न सबैलाई आग्रह गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1786602170.png)
-1786513116.png)
