काठमाडौं– पकिस्तानका प्रधानमन्त्री इमरान खानविरुद्ध विपक्षी दलहरुले अविश्वासको प्रस्ताव पेस गरेका छन्। अविश्वासको प्रस्ताव दर्ता भएसँगै सरकारका सहयोगी केही दलहरुले इमरानको साथ छोडेका बीबीसी हिन्दीले जनाएको छ।
इमरान खानले २७ मार्चमा सत्तारुढ दल पाकिस्तान तहरीक ए इन्साफ (पीटीआई) पार्टीको एक 'ऐतिहासिक' सभा आयोजना गरेका थिए । सभामार्फत् उनले आफ्नो 'मजबुत अनुहार' देखाउने कोसिस गरेका थिए। सभालाई सम्बोधन गर्दै उनले पाकिस्तानमा विदेशी धनको सहायताले सरकार ढाल्ने प्रयास भइरहेको आरोप पनि लगएका थिए। यद्यपि विपक्षीहरुले उनको आरोप अस्वीकार गरेका थिए।
विपक्षीहरुको अविश्वासको प्रस्तावपछि अब सवैको ध्यान तल्लो सदन नेशनल एसेम्बलीमा केन्द्रित भएको छ। यो प्रस्ताव २८ मार्चमा पेस भएको थियो। प्रस्तावमाथि यो हप्ताको अन्तिमतिर मतदान हुने अपेक्षा छ। पाकिस्तानको नेशनल एसेम्बलीको सत्र यही २८ मार्चमा सुरु भएको थियो।
यसअघि देखि नै प्रतिपक्षीहरुले उक्त संसद् अधिवेशनलाई पर्खेर बसेका थिए। विपक्षीका नेता शहबाज शरीफले यो प्रस्ताव पेस गर्न अनुरोध गरेका थिए। यसको पक्षमा तल्लो सदनको १६१ सांसदको सर्मथन मिलेको छ। यसपछि सदनकी उपाध्यक्ष कासिम खान सुरीले अविश्वास प्रस्ताव स्वीकार गदै यो प्रस्तावमा ३१ मार्चदेखि छलफल हुने जानकारी गराएकी थिइन्।
पाकिस्तानको संविधान अनुसार एकपटक अविश्वासको प्रस्ताव पेस भएपछि १४ दिनभित्र नेशनल एसेम्लीमा पेस गर्नुपर्ने छ। यद्यपि नेशनल एसेम्बलीका अध्यक्ष तय गरिएको समयसीमा भित्र उक्त प्रस्ताव पेस गर्न विफल भए। त्यसपछि आलोचनाका बीच बैठक ३१ मार्चसम्म स्थगित गर्ने निर्णय भयो।
यो प्रस्ताव पेस भएपछि सरकारले मतदानका लागि अधिकतम ७ दिनको समय लिने देखिन्छ। प्रस्ताव पेस भएपछि जम्हुरी वतन पार्टीले सत्तारुढ गठबन्धनको साथ छोड्ने निर्णय गरेको छ। यसपछि संसदको तल्लो सदनको कुल ३४२ सदस्यमध्ये सत्तारुढ गठवन्धनका सदस्य संख्या १७८ सम्म कम भएको छ।
पकिस्तानको प्रमुख पत्रिका डनका अनुसार विपक्षी दल पाकिस्तान मुस्लिम लीग नवाज (पीएमएल–एन) र पाकिस्तान पीपुल्स पार्टी(पीपीपी)सँग अव १६३ सांसदको सर्मथन भएको छ। सत्तामा रहनका लागि इमरान खान सरकारका लागि कम्तीमा पनि १७२ सासदको सर्मथन आवश्यक हुन्छ। त्यस्तै विपक्षीलाई पनि अविश्वासको प्रस्ताव पारित गराएर इमरान खानको सरकार ढाल्नका लागि १७२ सांसदकै आवश्यकता पर्ने देखिन्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1786875773.jpg)
-1786602170.png)
-1786513116.png)
