काठमाडौं– क्षेत्रीय संगठन आर्थिक तथा प्राविधिक सहयोगका लागि बंगालको खाडीको प्रयास (बिमस्टेक) सदस्य मुलुकबीच तीन बुदेँ समझदारी पत्रमा हस्ताक्षर भएको छ।
श्रीलंकाको कोलम्बोमा आयोजित पाँचौं बिमस्टेक शिखर सम्मेलनमा क्रममा बुधबार बिमस्टेक सदस्य मुलुकबीच यस्तो समझदारी भएको हो।
‘अपराध नियन्त्रणमा पारस्परिक कानुनी सहायता’, ‘श्रीलंकाको कोलम्बोमा प्रविधि हस्तान्तरणसम्बन्धी निकाय स्थापना’ र बिमस्टेक सदस्य मुलुकबीच ‘कुटनीतिक प्रतिष्ठान–प्रशिक्षण प्रतिष्ठान’ का लागि आपसी सहकार्यसम्बन्धी समझदारी पत्रमा हस्ताक्षर भएको हो।
त्यस्तै बिमिस्टेकले बडापत्र अनुमोदन गरेको छ। ‘बलियो क्षेत्र, समृद्ध अर्थतन्त्रहरू र स्वस्थ जनताका लागि बिमस्टेक’ भन्ने नारा राखिएको शिखर सम्मेलनका क्रममा सदस्य मुलुकका सरकार प्रमुखले बडापत्र अनुमोदन गरेका हुन्।
सोमबारदेखि सुरु भएको शिखर सम्मेलनलाई प्रधानमन्त्री शेरबहादुर देउवाले आजै काठमाडौँबाट भर्चुअल सम्बोधन गरेका थिए।
प्रधानमन्त्री देउवाले गौतम बुद्धको जन्मथलो लुम्बिनीलाई जोडेर बौद्ध सर्किट स्थापनाका लागि बिमस्टेक सदस्य देशलाई आह्वान गरे।
प्रधानमन्त्री देउवाले बिमस्टेक सदस्य देशलाई बौद्ध दर्शनले आपसमा जोड्नुपर्ने बताए। उनले जलवायु परिर्वतन बारे पनि बिमिस्टेकले काम गर्नुपर्ने प्रस्ताव प्रधानमन्त्री देउवाले राखेका थिए। नेपालका तर्फबाट परराष्ट्रमन्त्री नारायण खड्काले प्रतिनिधित्व गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1786875773.jpg)
-1786602170.png)
-1786513116.png)
