काठमाडौं– नेपाली कांग्रेसका सभापति शेरबहादुर देउवाले माओवादी केन्द्रसँग गठबन्धन गरेर निर्वाचनमा जानुपर्ने दोहोर्याएका छन्। काठमाडौंमा भएको एक कार्यक्रममा बोल्दै उनले उक्त पार्टीका अध्यक्ष पुष्पकमल दाहाल प्रचण्ड हार्ने चुनाव नलड्ने बताए।
नेकपा एमालेलाई कमजोर नआँक्न समेत उनले आफ्नो पार्टा नेता/कार्यकर्तालाई सुझाएका छन्। ' ओलीजीको पार्टी धेरै बलियो छ हेर्नुहोस्। यो केही पनि होइन। उनीहरुको पार्टी फुटिहाल्यो भन्ने नठान्नुहोस्,' उनले थपे, 'फेरि प्रचण्ड हार्न चुनाव लड्छ। मिल्दिन्छ नि जहाँ सजिलो हुन्छ मिलिदिन्छ। त्यो पनि बुझ्नुपर्यो नि।'
देशलाई एक बनाउने कांग्रेसको दायित्व रहेको बताउँदै नेपालमा एकमात्रै प्रजातान्त्रिक पार्टी कांग्रेस भएको देउवाले दाबी गरे।
नेपालमा कांग्रेसभन्दा कम्युनिस्ट बलशाली शक्ति भएको, तर एक ठाउँ नआउँदा मात्रै आफूहरुले जितिरहेको उनको भनाइ छ।
'कम्युनिस्टको धेरै ठूलो संख्या छ नेपालमा। स्थानीय तह त्यस्तै भएको हो। प्रदेश केन्द्र त्यस्तै भएको हो,' उनले भने, 'हामी सबै मिलेर जाउँ । पार्टी बलियो बनाउँ।'
प्रचण्ड पुन: एमालेसँग मिल्न सक्ने दोहोर्याउँदै उनले लखेटेर अर्को कित्तामा पुर्याउन नहुने बताए। 'फेरि मिलिदियो भने नि? लखेटे भने कहाँ जान्छन् नि?' देउवाले प्रश्न गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786875010.jpg)
-1786602170.png)
-1786513116.png)
