काठमाडौं– तालिबानले सत्ता कब्जा गरेपछि अफगानिस्तानमा गत सात महिनामा ४७५ मध्ये १८० मिडिया आउटलेट बन्द गरिएका छन्।
अफगानिस्तानको नेशनल हाउस अफ जर्नलिस्टले आफ्नो पछिल्लो सर्वेक्षणमा तालिबानले कब्जामा लिएपछि अफगान मिडिया आउटलेट सबैभन्दा बढी प्रभावित भएको बताएको छ। जसको परिणाम स्वरूप युद्धग्रस्त देशमा २९० मिडिया आउटलेट मात्र सक्रिय सञ्चालनमा छन्। लगभग ६० प्रतिशत पत्रकारहरू बेरोजगार छन्।
अफगानिस्तानको नेशनल हाउस अफ जर्नालिस्टका प्रमुख सैयद यासिन मतीनले सञ्चारमाध्यमलाई व्यापक रूपमा बन्द गर्नुको कारण आर्थिक समस्या र देशमा पेशेवर मिडियाकर्मीहरूको पलायन भएको बताएका छन्।
आर्थिक संकट र अफगानिस्तानमा मिडियाको विदेशी समर्थनको रोक बाहेक अफगान पत्रकारहरूले उद्धृत जानकारीमा पहुँचको कमी हुनुलाई देशको मिडियाको लागि अर्को ठूलो समस्या भनिएको छ।अर्कोतर्फ, अफगानिस्तानको इस्लामिक इमिरेट्सले यस्ता दावीलाई अस्वीकार गर्दै आएको छ।
उनीहरूले अफगानिस्तानमा मिडिया आउटलेटहरू बन्द हुनु भनेको उनीहरूका दाताहरूको अवरोधका कारण भएको बताएका छन्। उनीहरूले अफगान पत्रकार र मिडियालाई प्रतिबन्ध लगाएको अस्वीकार गरेको, खामा प्रेसले रिपोर्ट गरेको छ।
गत वर्षको अगस्टमा अफगान सरकारको पतन र तालिबान सत्तामा फर्किएपछि अफगानिस्तानमा मानवअधिकारको अवस्था झन् बिग्रिएको छ।
तालिबानले गैरन्यायिक मृत्युदण्ड, जबरजस्ती बेपत्ता, यातना, स्वेच्छाचारी नजरबन्द, महिला र बालिकाहरूको अधिकारको ठूलो रोलब्याक, सेन्सरशिप र मिडिया विरुद्ध आक्रमणहरू सहित मानवअधिकार उल्लंघनहरू गरेको तथ्याङ्क सार्वजनिक भएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
