काठमाडौं– प्राध्यापक ध्रुव कुमारको निधन भएको छ। लामो समयदेखि मिर्गौला रोगबाट पीडित उनको उपचारका क्रममा धापासीस्थित ग्रान्डी अन्तर्राष्ट्रिय अस्पतालमा बुधबार राति निधन भएको पारिवारिक स्रोतले जनाएको छ।
७३ वर्षीय उनको स्ट्रोकका कारण निधन भएको पारिवारिक स्रोतले जानकारी दिएको छ।
उनी त्रिभुवन विश्वविद्यालयअन्तर्गत नेपाल तथा एसियाली अनुसन्धान केन्द्र (सिनास)बाट अवकाश प्राप्त थिए। अन्तर्राष्ट्रिय मामिला र सुरक्षा क्षेत्रका जानकार उनका यिनै विषयमा कृतिहरुसमेत प्रकाशित छन्।
राजनीतिशास्त्री ध्रुबकुमार मुलुकको राजनीतिमा मौलाएका बेथिति, राजनीतिका दिन र दशा अनि पार्टी र नेताका गैरराजनीतिक आचरण र व्यवहारबारे खरो टिप्पणी गरिरहन्थे। उनका श्रीमती र ३ छोरी रहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
