काठमाडौं- हिजाब मुद्दामा कर्नाटक उच्च अदालतको फैसलाप्रति असन्तुष्ट मुस्लिम समुदायका सबै धार्मिक नेताहरूले बिहीबार अर्थात मार्च १७ मा कर्नाटकमा शान्तिपूर्ण बन्दको आह्वान गरेका छन्।
धार्मिक संस्था अमिर–ए–शरियतका मौलानासगीर अहमद खान रश्दीले एक भिडियो सन्देशमा भने,‘हाम्रो देशमा धर्मको पालनासँगै शिक्षा पनि लिन सकिन्छ भनेर हामी सरकारलाई बताउनेछौं।’
कर्नाटक उच्च अदालतले मंगलबार आफ्नो फैसलामा हिजाब अनिवार्य नभएको बताएको थियो।
अदालतले कक्षा कोठामा हिजाब लगाउने अनुमति दिनुले मुस्लिम महिलाहरूको स्वतन्त्रतामा बाधा पुर्याउने र त्यसो गर्नु संविधानको सकारात्मक धर्मनिरपेक्षताको भावनाविरुद्ध हुने पनि बताएको थियो।
कर्नाटक उच्च अदालतको यो निर्णयलाई सर्वोच्च अदालतमा चुनौती दिँदै छात्राहरूको तर्फबाट विशेष निवेदन दायर गरिएको छ। इमरात–ए–शरियात प्रत्येक जिल्लाका धार्मिक प्रमुखहरूको संगठन हो। अमिर–ए–शरियतले यस संगठनको नेतृत्व गर्दछ।
अमिर–ए–शरियातले युवाहरुलाई कुनै किसिमको नाराबाजी नगर्न, जुलुस निकाल्न र पसलहरु जबर्जस्ती बन्द नगर्न विशेष आग्रह गरेको छ।
कर्नाटकका केही जिल्लामा यो निर्णयको विरोध भइरहेको छ। राज्यका केही कलेजहरूमा परीक्षा चलिरहेको छ र केही छात्राहरूले ती परीक्षाहरूमा उपस्थित हुन हिजाब नलगाउन अस्वीकार गरेका छन्। छात्राहरुको यही विरोधलाई मध्यनजर गर्दै बन्दको आयोजना गरिएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1776414047.png)
-1764146706.png)
