१६ वर्षदेखि निकुञ्ज-विस्थापित परिवारको हालत उस्तै : जनप्रतिनिधिले आश्वासन दिए, काम गरेनन्

ब्लग

नेपाल लाइभ शुक्रबार, असोज २०, २०७४ ०९:०८

कञ्चनपुर- कञ्चनपुरको शुक्लाफाँटा राष्ट्रिय निकुञ्जको विस्तारित क्षेत्रबाट १६ वर्षअघि विस्थापनमा परेका २ हजार ४७३ परिवार अझै पुनः स्थापित हुन सकेका छैनन्।

२९ वटा आयोग बने पनि समस्या समाधान नभएपछि विस्थापनमा परेका परिवार १५ वटा शिविरमा कष्टकर जीवन बिताउन बाध्य भएका छन्। 'स्थानीय तहको निर्वाचनपछि जनप्रतिनिधिले समस्या समाधानका लागि कार्य योजनामा राखेपनि चासो नदिँदा झनै पीडित बनेका छौँ,' शुक्लाफाँटा निकुञ्ज संघर्ष समितिका अध्यक्ष हीरासिंह भण्डारीले भने।स्थानीय तहको निर्वाचनमा जनप्रतिनिधिले चासो दिई समस्या समाधान गर्नेमा आशावादी भए पनि कार्य अगाडि नबढ्दा चिन्तित हुनुपरेको उनको भनाइ छ।

सुक्खायाममा गर्मीको सास्ती, वर्षातमा झोपडीमा पानी चुहिँदा खाद्य सामग्रीसहित परिवार जोगाउन गाह्रो र हिउँदमा कठयाङ्ग्रिदो जाडोमा जीउ जोगाउननै मुस्किल भएको समितिका अध्यक्ष भण्डारीले बताए।

बस्दै आएको शिविरमा खानेपानी, स्वास्थ्य, शिक्षा र स्थानीय निकायले दिने सेवा सुविधाबाट समेत विस्थापित परिवार वञ्चित रहेका छन्।

दैनिक मजदुरीसमेत यहाँ नपाइदा भारतीय सहरमा ६ महिनासम्म काम गरेर पेट पाल्दै आएको प्रेमबहादुर ऐरले बताए। युवा सबै भारततर्फ लाग्दा शिविरमा बूढापाका, महिला र बालबालिका मात्रै रहेका छन्।

आर्थिक अभावले उपचार गराउन नपाउँदा शिविरमा बसेदेखि हालसम्म बिरामी परेर १३८ जनाको ज्यान गइसकेको संघर्ष समितिका अध्यक्ष भण्डारीको भनाइ छ।रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

इन्डोनेसियाको बाढी र पहिरोमा परी १६ जनाको मृत्यु,१० घाइते

नेपाललाई ६ महिनामा २५ अर्ब ७७ करोडको एफडीआई प्रतिबद्धता

निर्यात ३१ प्रतिशतले बढ्दा पनि व्यापार घाटा उच्च