काठमाडौं- युक्रेनमाथि आक्रमणको विरोधमा प्रत्यक्ष समाचार प्रसारणको क्रममा युद्धविरोधी प्लेकार्ड प्रदर्शन गरेकी पत्रकारलाई रुसी अदालतले दोषी ठहर गरेको छ।
राज्य नियन्त्रित रुसी टेलिभिजन 'च्यानल वान'मा सोमबार साँझको समाचार प्रसारण भइरहेका बेला एक महिलाले युद्धबिरोधी प्लेकार्ड बोकेर समाचार कक्षमा छिरेकी थिइन्।
उक्त टेलिभिजनमा सम्पादक मध्ये एक रहेकी प्रदर्शनकारी मरिना ओभसीआनीकोभालाई 'अनधिकृत सार्वजनिक कार्यक्रम' आयोजना गरेकोमा दोषी पाइएको अदालतले ठहर गरेको छ।
मस्कोस्थित एक जिल्ला अदालतले विज्ञप्तिमा च्यानल वनकी सम्पादक ओभसीआनीकोभालाई 'प्रशासनिक अपराध' मा दोषी पाइएको ठहर गर्दै ३० हजार रुबल (२८० डलर) जरिवाना गरिएको समाचार संस्था सीएनएनले जनाएको छ।
ओभसीआनीकोभालाई अदालतमा यसअघि उनका एक वकिल एन्टोन गासिन्स्कीसँग देखिएको समाचारमा जनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
