काठमाडौं– नेपाल वायुसेवा निगम (नेपाल एयरलाइन्स)ले करिब दुई वषपछि भारतको मुम्बई र बैंग्लोरमा पुनः उडान सञ्चालन गर्ने भएको छ।
कोभिड–१९ महामारीका कारण स्थगित भएको उक्त गन्तव्यको उडान पुनः सञ्चालन गर्न लागिएको निगमले जनाएको छ। आगामी चैत १३ गते (मार्च २७, २०२२) देखि मुम्बईमा नियमित उडान सञ्चालन गर्न लागिएको निगमको भनाइ छ। यो गन्तव्यमा साताको तीन उडान हुनेछ। काठमाडौं–मुम्बई रुटमा बुधबार, शुक्रबार र आइतबार उडान हुनेछ।
त्यसैगरी निगमले भारतकै अर्को गन्तव्य बैंग्लोरमा पनि चैत १५ (मार्च २९, २०२२) देखि पुनः उडान सञ्चालन गर्ने तयारी गरेको छ। यो गन्तव्यमा मंगलबार, बिहीबार र शनिबार गरी सातामा तीन उडान सञ्चालन हुनेछ।
कोरोना महामारी नियन्त्रणका लागि सरकारले लागू गरेको बन्दाबन्दीका कारण २०७६ चैतदेखि स्थगित उडान फेरि सुरु हुने भएका हुन्। सन् २०२० मार्च २१ तारिखदेखि भारतको बैंग्लोरमा नेपाल एयरलाइन्सको उडान हुन सकेको थिए।
काठमाडौं–बैंग्लोर–काठमाडौंको उडान धार्मिक पर्यटनका दृष्टिले पनि राम्रो मानिन्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
