सांकेतिक तस्बिर
काठमाडौं- सरकारले रात्रिकालीन व्यवसाय रातभर सञ्चालन गर्न दिने निर्णय गरेको छ। गृह मन्त्रालयले रात्रिकालीन व्यवसायमा लगाइँदै आएको समय सीमा हटाउँदै २४ सै घण्टा चल्न दिने गरी बाटो खुला गरेको हो।
गृहको यो निर्णयसँगै अब होटल, रेस्टुरेन्ट, डान्स-दोहोरी-क्लब, लाउन्ज बारलगायतका सबै रात्रिकालीन व्यवसाय २४ सै घण्टा सञ्चालन पाइने भएको छ। यसअघि प्रहरी प्रशासनले १० बजेपछि कुनै पनि रात्रिकालीन व्यवसाय सञ्चालन गर्न रोक लगाएको थियो।
तर, व्यवसायीहरुले मध्यरात नहुँदै व्यवसाय बन्द गर्दा आर्थिक क्रियाकलाप सुस्ताएको गुनासो गर्दै आएका थिए। त्यसपछि रात्रिकालीन व्यवसाय सञ्चालनबारे अध्ययन गरेर मापदण्ड बनाउन गृहमन्त्री बालकृष्ण खाणले मन्त्रालयका शान्ति सुरक्षा महाशाखाका प्रमुख फणिन्द्रमणि पोखरेलको नेतृत्वमा १४ सदस्यीय कार्यदल बनाएका थिए।
कार्यदलले शान्ति सुरक्षालगायतका विषयलाई अध्ययन गरेर रात्रिकालीन व्यवसायलाई रातभर सञ्चालन गर्न दिन सिफारिस गरेको गरेको थियो। उक्त सिफारिस अनुसार गृहले रात्रिकालीन व्यवसायलाई २४ सै घण्टा चल्न दिने निर्णय भएको हो।
गृहको निर्णयअनुसार अब प्रहरीले अलग्गै सुरक्षा विधि बनाउनुपर्ने छ। गृहले सबै जिल्लाका प्रहरी प्रशासनहरुलाई २४ सै घण्टा व्यवसाय खोल्ने वातावरण बनाउन पत्रचारसमेत गरिसकेको छ।
यस्तो छ गृहको निर्णय
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
