शैलुङ साहित्यिक–सांस्कृतिक महोत्सव हुने

साहित्य डबली

नेपाल लाइभ बिहीबार, फागुन १९, २०७८ १४:४७

काठमाडौं- रामेछाप र दोलाखको संगमस्थलमा पर्ने शैलुङ डाँडामा फागुन २० गते शैलुङ साहित्यक–सांस्कृतिक महोत्सव हुने भएको छ। दोलखाको शैलुङ गाउँपालिका, मेलुङ गाउँपालिका र रामेछापको दोरम्बा शैलुङगाउँपालिको संयुक्त आयोजनामा शैलुङ साहित्यक–सांस्कृतिक महोत्सव आयोजना हुन लागेको हो। महोत्सवलाई नेकपा ऐमाले अध्यक्ष केपी शर्मा ओली उद्घाटन गर्ने कार्यक्रम रहेको आयोजकले जनाएका छन्।

यस महोत्सवले शैलुङलाई पर्यटन प्रर्बद्धनको लागि ठूलो योगदान पुग्ने विश्वास लिइएको दोलखाको शैलुङ गाउँपालिका अध्यक्ष भरत दुलालले बताए। शैलुङ क्षेत्रको प्रवर्धनका लागि दुई वर्ष अघि तीन ओटा गाउँपालीकाले मिलेर प्रथम शैलुङ महोत्सव आयोजन गरेको उनले स्मरण गराए।

'मुलत शैलुङको संस्कृति, परम्परा, सम्भयतालाई कला साहित्यको माध्यबाट अगाडी बढाउनको लागि हामीले सो आयोजना गरिएको हो' उनले भने, 'शैलुङका सय थुङ्गामा बसेर साहित्यक कोर्नु हुन्छ। जसले गर्दा पर्यटनमा ठूलो योगदान पुग्ने विश्वास लिएको छु।’

शैलुङ धार्मिक तथा पर्यटकीय हिसाबले महत्वपूर्ण स्थल हो। १०० बाट बोलचालमा ‘शै’ भएको र तामाङ भाषाको ‘लुङ’ जोडिएर शैलुङ नाम रहेको स्थानीयको भनाइ छ। लुङको अर्थ डाँडा हो। त्यहाँ १०८ थुम्का छन्। बौद्ध धर्म अनुयायीहरूका अनुसार यहाँ सङ्गेला ज्ये अर्थात् बुद्धको पाइला भएकाले पहिला साङ्गेलुङ पनि भनिन्थ्यो। पछि अपभ्रंस भएर शैलुङ भनिएको बताइन्छ। डाँडाको एउटा ढुंगामा बुद्धका पाइलाको आकृति रहेको जनाइन्छ।

शैलुङलाई प्रकृति, अध्यात्म र संस्कृतिको त्रिवेणीधाम मानिन्छ। यो डाँडाको उचाइ ३,१४६ मिटर छ। यहाँबाट हिमालको मनोरम दृश्य देखिन्छ। त्यसैगरी, बाघ र गाई जस्ता ढुंगा छन्। त्यसैले शैलुङलाई बाघढुंगा पनि भनिन्छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वराजालाई विश्वप्रकाशको चुनौती : चुनावबाट मत जितेर चाहेजस्तो व्यवस्था ल्याउनुहोस्

सेतो मछिन्द्रनाथको रथ जात्रा सुरु

आईपीएल : चेन्नईलाई २५ रनले हराउँदै दिल्लीको लगातार तेस्रो जित