किभबासीलाई सुरक्षित रुपमा निस्कन दिने रुसी सेनाको आश्वासन

विश्व

नेपाल लाइभ बिहीबार, फागुन १९, २०७८ १०:५१

काठमाडौं- रुसी सेनाले युक्रनको राजधानी किभवासीलाई सुरक्षित रुपमा निस्कन दिने जनाएको छ।

किभबासीलाई भासिल्किभ सहरतर्फको दिशामा सुरक्षित रूपमा जान दिने मस्कोस्थित अधिकारीहरूले बताएको बीबीसीले उल्लेख गरेको छ।

रुसी रक्षा मन्त्रालयका प्रवक्ता मेजर जेनरल इगोर कोनाशेन्कोभले अतिक्रमणबारे टेलिभिजनमार्फत्‌ पछिल्लो विवरण दिँदै सुरक्षित निकासबारे प्रस्ताव गरेका हुन्। 'गैरसैनिकहरूलाई निस्किन दिनका लागि रुसी फौजको तर्फबाट कुनै बाधाअवरोध हुनेछैन' कोनाशेन्कोभले भने।

तर एक साताअघि रुसले अतिक्रमण सुरु भएयता भासिल्किभ भीषण गोलाबारीबाट प्रभावित भएको छ। संयुक्त राष्ट्रसंघका अनुसार झन्डै १० लाख मानिसले युक्रेन छोडिसकेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सत्य निरुपण र बेपत्ता आयोगका पदाधिकारी नियुक्त

बेरूजु निरन्तर बढ्दो, राजस्व छुटको तथ्याङ्क संसद्मा पेस गरेर पारदर्शिता कायम गर्न सुझाव

विद्यालयमा हाजिरीविनै दिवा खाजामा २७ करोड खर्च