खार्किभको नगर परिषद् भवनमा आक्रमण

विश्व

नेपाल लाइभ बुधबार, फागुन १८, २०७८ २०:५६

काठमाडौं- रुसले युक्रेनको दोस्रो ठूलो सहर खार्किभमा लगातार आक्रमण गरिरहेको छ। खार्किभका धेरै सरकारी भवनलाई निशाना बनाइएको छ। रुसले खार्किभको नगर परिषद् भवनमा क्रुज मिसाइल पनि प्रहार गरेको छ।

खार्किभका डेपुटी गभर्नरले यसको पुष्टि गरेका हुन्। खार्किभ रुसी सिमानाबाट मात्र ३० माइल टाढा छ। पछिल्लो दुई दिनदेखि रुसी सेनाले खार्किभमा भीषण बमबारी गरिरहेको छ ।

सहरको सडकमा रुसी र युक्रेनी सेनाबीच भिडन्त जारी रहेको बताइन्छ। मंगलबार राति रुसले विमानबाट सैनिकलाई खार्किभ पुर्याएको थियो। त्यसपछि झडप चर्किएको थियो।

मंगलबार पनि सरकारी मुख्यालयमा मिसाइल प्रहार भएको थियो। जसका कारण वरपर आगोको गोला फैलिएको थियो। आक्रमणले भवन र नजिकका गाडीहरूमा ठूलो क्षति पुर्याएको छ।

रुसले आवासीय क्षेत्रमा आक्रमण गरेर युद्ध अपराध गरिरहेको युक्रेनका राष्ट्रपति भ्लोदिमिर जेलेन्स्कीले बताएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सत्य निरुपण र बेपत्ता आयोगका पदाधिकारी नियुक्त

बेरूजु निरन्तर बढ्दो, राजस्व छुटको तथ्याङ्क संसद्मा पेस गरेर पारदर्शिता कायम गर्न सुझाव

विद्यालयमा हाजिरीविनै दिवा खाजामा २७ करोड खर्च