काठमाडौं- रुसले युक्रेनमाथि आक्रमण गरिरहँदा त्यसको चौतर्फी बिरोध भइरहेको छ।
विश्वका अन्य देशमा मात्र नभएर आक्रमण गरिरहेको रुसमा समेत नागरिकहरु बिरोधमा सडकमा उत्रिएका छन्। रुसी स्वतन्त्र मानव अधिकार समूहले हजारौं मानिस सडकमा उत्रिएको जनाएको छ।
राजधानी मस्को, सेन्ट पिटर्सबर्गलगायत कैयौँ मुख्य शहरमा भएका प्रदर्शनहरूका क्रममा अहिलेसम्म १ हजार ७०० भन्दा धेरै प्रदर्शनकारीलाई रुसी सुरक्षाबलले नियन्त्रणमा लिएको छ। बिहीबाबाट रुसले युक्रेनका विभिन्न स्थानमा सैन्य आक्रण थालेको थियो।
विपक्षीहरूका प्रदर्शनका क्रममा हुने गिरफ्तारीबारे सूचना राख्ने समूह ओभीडी इन्फोका अनुसार मस्कोमा ९०० जना र सेन्ट पिटर्सबर्गमा ४०० जना पक्राउ परेका छन्। युद्धविरोधी नाराहरू लेखिएका प्लेकार्डसहित हजारौँ मानिस सडकमा रहेको तस्बिर र भिडियोहरु सामाजिक सञ्जालमा देख्न सकिन्छ।
रुसी शहरहरूमा बाहेक विश्वका अन्य कैयौँ शहरमा पनि युद्धको विरोधमा प्रदर्शन गरेका छन्। सयौँ प्रदर्शनकारीले न्यूयोर्कस्थित संयुक्त राष्ट्रसङ्घका लागि रुसी नियोगको कार्यालयअगाडि विरोध जनाएका बीबीसीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788007575.jpg)
-1786602170.png)
-1787821306.jpg)
-1786513116.png)
