काठमाडौं- बेलायती प्रधानमन्त्री बोरिस जोनसनले आफूले युक्रेनी राष्ट्रपति भ्लोदिमिर जेलेन्स्कीसँग कुरा गरेको र समर्थन प्रस्ताव गरेको बताएका छन्।
जोनसनले रुसको आक्रमणबारे दिइएको चेतावनी सत्य साबित भएको बताए। उनले रुसी राष्ट्रपति भ्लादिमिर पुटिनले युरोपमा युद्ध सुरु गरेको बताएका छन्। जोनसनले पुटिनले मित्र राष्ट्रमाथि कुनै उत्तेजना वा बहानाविना आक्रमण गरेको आरोप लगाए।
उनले भने,‘निर्दोष जनतामा बम प्रहार भइरहेको छ। जमिन, वायु र समुद्रबाट व्यापक आक्रमण जारी छ। यो एक देश होइन जुन टाढा छ र जसको बारेमा हामीलाई धेरै कम थाहा छ।’
युक्रेन युरोपको दोस्रो ठूलो देश हो, जसमा वर्षौंदेखि लोकतन्त्र र स्वतन्त्रता छ। उनले त्यो स्वतन्त्रता खोस्न नदिने प्रतिबद्धता व्यक्त गरेका छन्।
जोनसनले युक्रेनलाई सहयोग गर्न पहिलो पटक रक्षात्मक हतियार पठाउने युरोपेली देशहरूमध्ये बेलायत रहेको पनि बताए। ‘पछि अन्य सहयोगीहरूले सहयोग गरेको हो। आगामी दिनमा बेलायतले थप सहयोग गर्नेछ,’ उनले भने।
तर, कसरी सहयोग गर्ने भन्ने उनले बताएनन्। उनले सहयोगी राष्ट्रहरूसँग मिलेर रुसमाथि आर्थिक प्रतिबन्ध लगाउने पनि बताए।
‘युरोपका सबै देशले तेल र ग्यासमाथिको आफ्नो निर्भरता अन्त्य गर्नुपर्छ। रुसको आक्रमण पुटिनको घृणित र बर्बर कार्य भएको र यो असफलतामा टुङ्गिने छ,’ उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788000297.png)
-1786602170.png)
-1787821306.jpg)
-1786513116.png)
