युक्रेनद्वारा यात्रुवाहक विमानको उडान बन्द

विश्व

नेपाल लाइभ बिहीबार, फागुन १२, २०७८ १५:२९

काठमाडौं- युक्रेनमा हवाई क्षेत्र बन्द गरिएको छ। बिहीबार रुसले आक्रमण थालेसँगै युक्रेनको सरकारी हवाई ट्राफिक सेवाले देशको हवाई क्षेत्र बन्द गरिएको जनाएको बीबीसीले उल्लेख गरेको छ।

यात्रुवाहक विमानको उडान सुरक्षा “उच्च जोखिम”मा रहेका कारण किभको समय अनुसार पौने तीनबजेदेखि सबै उडान रद्द गरिएको हो।

युक्रेनले रुसको पाँचवटा विमान र एउटा हेलिकोप्टर खसालिदिएको जनाएको छ। तर रुसले भने त्यसलाई अस्वीकार गरेको छ।

युक्रेनी प्रहरीले रुसले विस्फोटन गराएको बमका कारण सात जनाको ज्यान गएको बताएको छ। अधिकारीहरूका भनाइमा पोडेस्कस्थित सैन्य एकाइमा ६ जनाको ज्यान गएको छ भने सात जना घाइते भएका छन्। त्यहाँ अन्य १९ जना हराइरहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

त्रिकोणात्मक सिरिज खेल्न स्कटल्याण्ड जाने नेपाली टोलीको बिदाई

हसन राईको ‘नायुमा’ म्युजिक भिडियो सार्वजनिक

सुनकाे मूल्यमा सामान्य वृद्धि, कतिमा हुँदैछ कारोवार ?