पूर्वाधार विकास बैंकले उर्जा ऋणपत्र जारी गर्न पाउने

बैंक/बिमा/सेयर

नेपाल लाइभ बुधबार, फागुन ११, २०७८ १८:४७

काठमाडौं- नेपाल राष्ट्र बैंकले पूर्वाधार विकास बैंकलाई उर्जा परियोजनामा लगानी गर्न सक्ने व्यवस्था गरेको छ।

राष्ट्र बैंकले बुधबार मौद्रिक नीतिको दोस्रो त्रैमासिक समीक्षाको व्यवस्था कार्यान्वयनको लागि जारी गरेको निर्देशनमा पूर्वाधार विकास बैंकले पनि उर्जा ऋणपत्र जारी गर्न पाउने व्यवस्था गरेको हो।

उर्जा ऋणपत्र जारी गरी संकलन गरिएको रकमबाट लगानी गरिएको उर्जा परियोजनाको विवरण अध्यावधिक गर्नु पर्नेछ।

यसैगरी, सञ्चित नोक्सानी बाँकी नरहेको र साधारण सेयर जारी गरी धितोपत्र विनियम बजारमा सूचीकृत भइसकेको पूर्वाधार विकास बैंकले बढीमा आफ्नो प्राथमिक पुँजीको शत प्रतिशतसम्मको डिबेञ्चर/अन्य ऋण उपकरण राष्ट्र बैंकको स्वीकृति लिएर जारी गर्न सक्नेछन्।

पूर्वाधार विकास बैंकले ऋणपत्र जारी गर्दा नै पुँजी कोषको अङ्गको रुपमा रहने वा स्रोत परिचालनमा गणना हुने व्यहोरा स्पष्ट रुपमा खुलाउनु पर्नेछ ।

यसअघि जारी गरिएका वा राष्ट्र बैंकबाट स्वीकृति प्राप्त गरी जारी हुने प्रक्रियामा रहेका ऋणपत्रलाई सोही बमोजिम छुट्याउनु पर्नेछ । एकपटक ऋणपत्रको वर्गीकरण गरेपछि पुनः परिवर्तन गर्न पाइने छैन ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सर्लाहीमा बसले थिच्दा सशस्त्र प्रहरी इन्सपेक्टरको मृत्यु

नयाँ पार्टी घोषणाको तयारीमा रहेका भीम रावलको पत्रकार सम्मेलन आज, को–को होलान् उनको साथमा?

नेपालगञ्ज नाकाबाट ५९८ जनाको उद्धार