१७.४२ अंकले बढ्यो नेप्से, ३ अर्ब २१ करोडको कारोबार

बैंक/बिमा/सेयर

नेपाल लाइभ मंगलबार, फागुन १०, २०७८ १५:५०

काठमाडौं– सेयर बजार मापक नेप्से परिसूचक मंगलबार पनि वृद्धि भएको छ।

सोमबार २५.४१ अंक बढेको नेप्से परिसूचक मंगलबार १७.४२ अंक बढेर २ हजार ७३५.९३ विन्दुमा पुगेको छ। त्यस्तै, सेन्सेटिभ इण्डेक्स ४.३६ अंक, फ्लोट इण्डेक्स १.०२ अंक र सेन्सेटिभ फ्लोट इण्डेक्स १.१४ अंक बढेको छ।

मंगलबार कारोबारमा आएका २२८ कम्पनीको ६० लाख ८१ हजार कित्ता सेयर ३ अर्ब २१ करोड २८ लाख रुपैयाँ बराबरको खरिदबिक्री भएको छ।

सोमबारको तुलनामा मंगलबार कारोबार रकम पनि वृद्धि भएको छ। सोमबार ३ अर्ब बराबरको सेयर कारोबार भएको थियो।

नेप्सेका १३ उपसमूहमध्ये २ उपसमूहको परिसूचक घटेको छ भने बाँकी ११ उपसमूहको परिसूचक बढेको छ। जसमा विकास बैंक, वित्त, निर्जीवन बीमा र अन्य उपसमूहको परिसूचक १ प्रतिशतभन्दा बढी बढेको छ। तर, लगानी र उत्पादनमूलक उपसमूहको परिसूचक भने सामान्य अंकले गिरावट आएको छ।

मंगलबार कारोबारमा आएका २ कम्पनीको शेयरमूल्य सकारात्मक सर्किट लेभलमा कारोबार भएको छ।

जसमा मैलुङ खोला हाइड्रोपावर र युनाइटेड इदी मार्दी आरबीको सेयर सकारात्मक सर्किट लेभलमा कारोबार भएको छ। त्यस्तै, सामलिङ पावरको सेयरमूल्य ८.५२ प्रतिशत बढेको छ। तर, सिभिल लघुवित्त र नेपाल हाइड्रो डेभलोपर्सको सेयरमूल्य करिब २ प्रतिशत घटेको छ।

मंगलबार कारोबार रकमका आधारमा २१ करोडको सेयर खरिदबिक्री गरेर नेपाल टेलिकम शीर्ष स्थानमा रहेको छ। जीवन विकास लघुवित्तको ११ करोडभन्दा बढीको सेयर किनबेच भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सर्लाहीमा बसले थिच्दा सशस्त्र प्रहरी इन्सपेक्टरको मृत्यु

नयाँ पार्टी घोषणाको तयारीमा रहेका भीम रावलको पत्रकार सम्मेलन आज, को–को होलान् उनको साथमा?

नेपालगञ्ज नाकाबाट ५९८ जनाको उद्धार