काठमाडौं– साहित्यकार डा. तारानाथ शर्मा (ताना शर्मा)को ८९ वर्षको उमेरमा निधन भएको छ। नेपाली भाषा तथा साहित्यमा झर्रोवादी पहिचान तथा आत्मपरक नियात्रा लेखनमा योगदान दिएका शर्माको मंगलबार बिहान निधन भएको हो।
शर्मा इलामाको बरबोटेमा १९९१ असारमा जन्मिएका थिए। संस्कृत शिक्षाबाट आफ्नो औपचारिक अध्ययनका सुरुवात गरेका उनले २०१३ मा बनारसमा अध्ययन गरेका थिए। त्यत्ति नै बेला बल्लभमणि दाहाल, बालकृष्ण पोखरेललगायतसँगको सहकार्यबाट उनले नेपाली भाषामा झर्रोवादी आन्दोनल गरेका थिए।
शर्मा नेपाली निबन्ध लेखन तथा नियात्रा लेखनमा निकै लोकप्रिय साहित्यकार हुन्। विसं २०२६ सालमा उनको यात्रापरक निबन्ध संग्रह ‘बेलाइततिर बरालिँदा’का लागि उनलाई मदन पुरस्कार दिइएको थियो।
शर्माले योसँगै ‘पाताल प्रवास’, ‘श्रद्धाका सुमन’जस्ता निबन्ध संग्रह, ‘नेपालदेखी अमेरिकासम्म’, ‘ओझेल पर्दा’, ‘झझल्को’जस्ता उपन्यासँगै थुप्रै समालोचनाका कृतिहरु लेखेका छन्। शर्माको नाममा सयभन्दा धेरै पुस्तकहरु प्रकाशित छन्।
लामो समयदेखि डिमेन्सिया (विस्मृति) रोगबाट समस्याग्रत रहेका शर्मा केही समयदेखि मुटु रोगसँगै उच्च रक्तचाप, मधुमेहलगायतका समस्याहरुबाट ग्रसित थिए। स्वर्गिय शर्माका दुई छोरा र श्रीमती रहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1764146706.png)
