काठमाडौं– 'भूमि आयोगका मान्छै हौं, जग्गा दिलाइदिन्छौं' भन्दै सुकुम्बासीबाट पैसा असुलेर ठगी गरेको आरोपमा काठमाडौं प्रहरीले २ जनालाई पक्राउ गरेको छ।
काठमाडौंको बसन्तनगर नजिक एक क्याफेमा बसेर सुकुम्बासीबाट नगद उठाइरहेको अवस्थामा महानगरीय प्रहरी बृत्त बालाजुबाट खटिएको प्रहरीले २ जनलाई पक्राउ गरेको हो।
पक्राउ पर्नेहरुमा झापाको भद्रपुर नगरपालिका–३ स्थायी घर भइ काठमाडौंको टोखा–८ बानियाटार बस्ने ३८ वर्षीय होम नारायण चौधरी र काठमाडौंको बुढानीलकण्ठ ४ घर भएका ४४ वर्षीय उद्धब भण्डारी छन्।
प्रहरीका अनुसार चौधरी र भण्डारीले सुकुम्बासीलाई जग्गा दिलाइदिने भन्दै प्रतिव्यक्तिबाट ५० हजार रुपैयाँका दरले उठाएर फाराम भर्न लगाएका थिए। ५० हजार रुपैयाँ दिएपछि काठमाडौंमा ४ आना जग्गा पाइने भन्दै उनीहरुले आश्वासन दिने गरेका थिए।
प्रहरीले उनीहरुको साथबाट ल्यापट, प्रिन्टर, भूमिहीनले भर्नुपर्ने भनिएका फारामहरु, निवेदनको ढाँचा लेखिएका कागजपत्र र मोबाइल सेटहरु बरामद भएको जानकारी दिउको छ।
पक्राउ परेका दुवै जनामाथि थप अनुसन्धान भइरहेको महानगरीय प्रहरी परिसर काठमाडौंले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
