फाइल तस्बिर
काठमाडौं– निर्वाचन आयोगको पत्रपछि राष्ट्रिय प्रजातन्त्र पार्टी (राप्रपा)ले पदाधिकारी बैठक बोलाएको छ।आयोगले राप्रपाको विधानबाट राजसंस्था र हिन्दू राष्ट्र हटाउन निर्देशन दिएको थियो। आयोगको निर्देशनपछिको अवस्थाबारे छलफल गर्न सोमबारका लागि पदाधिकारी बैठक बोलाइएको हो। पदाधिकारी बैठकमा निर्वाचन आयोगको निर्देशन र अबको रणनीतिबारे छलफल हुने बताइएको छ।
आयोगले हालै राप्रपालाई पत्र लेख्दै विधानमा उल्लेख भएको राजसंस्था र हिन्दू राष्ट्र भन्ने शब्द सात दिनभित्र झिकेर ल्याउन भनेको छ। राप्रपाले गएको मंसिरमा भएको महाधिवेशनबाट नयाँ कार्यसमिति चयन भएसँगै राजनीतिक दलसम्बन्धी ऐनबमोजिम गत पुस १० मा अद्यावधिक गर्नका लागि आयोगमा पठाएको थियो।
राप्रपाले संवैधानिक राजतन्त्र र हिन्दू राष्ट्रको पक्षमा आवाज उठाउँदै आएको छ। हालै सम्पन्न महाधिवेशनबाट राजेन्द्र लिङ्देन अध्यक्षमा निर्वाचित भएका छन्।
आयोगको निर्णयप्रति पूर्वअध्यक्ष कमल थापाले आपत्ति जनाएका छन्। उनले सामाजिक सञ्जाल ट्वीटरमार्फत भनेका छन्, ‘निर्वाचन आयोगले राप्रपा विधानबाट हिन्दू राष्ट्र र राजसंस्था शब्दावली तथा झण्डाबाट गाई हटाउन दिएको निर्देशन संविधान र प्रजातान्त्रिक मान्यताविपरीत छ। अस्वीकार्य छ।’
त्यस्तै निर्वाचन आयोगले राप्रपाको झण्डामा रहेको गाई पनि हटाउन निर्देशन दिएको छ। राष्ट्रिय जनवार गाईंलाई पार्टी विशेषले प्रयोग गर्न नपाउने उल्लेख गर्दै आयोगले झण्डासमेत फेर्न भनेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788068557.jpg)
-1786602170.png)
-1786513116.png)
