काठमाडौं– नेपाली नर्स लैजान बेलायत तयार भएको छ। श्रम सम्बन्ध कायम गर्ने विषयमा दुवै देश सहमत भएको श्रम रोजगार तथा सामाजिक सुरक्षा मन्त्रालयले जनाएको छ। छन् । काठमाडौंमा शुक्रबार दुवै देशका अधिकारीबीच भएको वार्तामा नेपालबाट स्वास्थ्य जनशक्ति (नर्स) पठाउने र बेलायतले उनीहरूलाई रोजगारीका अवसर प्रदान गर्ने सहमति भएको मन्त्रालयले जानकारी दिएको छ।
बेलायतको ‘डिपार्टमेन्ट अफ हेल्थ सर्भिस’ र ‘नेसनल हेल्थ सर्भिस’का प्रतिनिधि र नेपाल सरकारका प्रतिनिधिबीच भएको वार्ताबाट नेपाली श्रमिकलाई बेलायतमा रोजगारीको व्यवस्था गर्ने सहमति भएको हो। यस विषयमा थप अध्ययन गरी आउँदो मार्च (फागुन–चैत)सम्ममा श्रम समझदारीपत्रमा हस्ताक्षर गर्ने सहमति भएको मन्त्रालयका प्रवक्ता डण्डुराज घिमिरेले बताए।
नेपाली श्रमिक लैजाने ‘मोडालिटी’बारे भने टुंगो नलागेको मन्त्रालयले जनाएको छ। नेपालमा विभिन्न तहका नर्सिङ जनशक्ति रहेका छन्। बेलायतले नेसनल हेल्थ सर्भिसेसअन्तर्गत नेपाली नर्सिङ जनशक्तिलाई रोजगारीको अवसर दिने बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
