काठमाडौं- अर्थमन्त्री जनार्दन शर्माले निजी क्षेत्रको व्यवस्थापन अब्बल हुँदै जाँदा सार्वजनिक निकाय भने झनै कमजोर हुँदै गएको बताएका छन्। नेपाल आर्थिक पत्रकार संघ (नाफिज)ले बुधबार आयोजना गरेको कार्यक्रममा बोल्दै अर्थमन्त्री शर्माले निजी क्षेत्रको व्यवस्थापन तुलनामा सार्वजनिक निकायको झन् कमजोर हुँदै गएको बताएका हुन्। आर्थिक विकासमा निजी क्षेत्रको भूमिका उल्लेखनीय रहेको उनको भनाइ छ।
निजी क्षेत्रले राम्रो गर्न सकिरहेको अवस्थामा सार्वजनिक संस्था भने सञ्चालन नै गर्न नसकेर बन्द भएको अवस्था औल्याउँदै शर्माले भने, ‘यस्तो अवस्था आउनुमा सरकारी व्यवस्थापन क्षमता कमजोर भएको हो।’ उनले सरकारले स्रोत र व्यवस्थापनमा निजी क्षेत्रसँग सहकार्य गरेर अगाडि बढ्दा उल्लेख्य प्रगति हासिल गर्नसक्ने भन्दै निजीसँगको साथ र सहकार्य भइरहने बताए।
उनले भने, ‘सार्वजनिक-निजी साझेदारीको विषय पनि निकै महत्त्वपूर्ण हो। निजी क्षेत्रको सहयोगबाटै सरकारले राजस्वसहितको लक्ष्य पूरा गर्ने गरेको छ।'
सार्वजनिक र निजी क्षेत्रको सहकार्य विकास निर्माणको लागि अपरिहार्य विषय भएको पनि उनले बताए। लगानीलाई परिणाममुखी बनाउन सरकारका तर्फबाट निजी क्षेत्रलाई सहयोग गर्नुपर्ने आवश्यकता रहेको पनि अर्थमन्त्री शर्माले औँल्याए।
अर्थमन्त्री शर्माले निजी क्षेत्रले चाहेजस्तो सहुलियत दिन र मद्दत गर्न सरकारले नसकिरहेको पनि स्वीकार गरे। यसका लागि निजी क्षेत्रको सहयोगमा र सुझाव लिने काम भने सरकारले गरिरहेको बताए। आगामी दिनमा सरकारले निजी क्षेत्रसँगको सहकार्य बढाउने उनको भनाइ छ।
अहिलेको कोरोना महामारीको संकटका बेला सरकारले निजी क्षेत्रले अपेच्छा गरेअनुसारको राहत र पुनरुत्थान गर्न नसकेको हुनसक्छ। तर, निजी क्षेत्रको सहयोगविना र आर्थिक विकास र राष्ट्र निर्माण निजी क्षेत्रको भूमिकालाई सरकारले नबिर्सने पनि बताए। उनले आयल निगम निजी क्षेत्रको संस्था थियो भने यसले घाटा खानु नपर्ने र उल्लेख्य प्रगति गर्नसक्ने पनि बताएका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
