नेप्सेमा उच्च अंकको वृद्धि, साढे ११ अर्बको कारोबार

बैंक/बिमा/सेयर

नेपाल लाइभ मंगलबार, साउन १९, २०७८ १५:३६

काठमाडाैं- नेपालको पुँजीबजार मापक परिसूचक नेप्सेमा आज उच्च अंकको वृद्धि भएको छ। आज नेपाल स्टक एक्सचेन्ज (नेप्से) २६.०२ अंकले बढेर ३१११.०९ विन्दुमा उक्लिएको छ।

नेप्सेमा आज कूल ११ अर्ब ५२ करोड ९२ लाख १७ हजार रुपैयाँ बराबरको सेयर कारोबार भएको छ। कूल २२३ वटा कम्पनीका दुई करोड ११ लाख २९ हजार ८८ कित्ता सेयर एक लाख छ हजार ६२० पटक खरिद-बिक्री भएका थिए।

आज ठूला कम्पनीको सेयर कारोबार मापन गर्ने सेन्सेटिभ परिसूचक पनि ५.०६ अंकले बढेर ५७७.५२ विन्दुमा उक्लिएको छ।

आज पाँचथर पावर कम्पनी र रुरु जलविद्युत परियोजनाको कारोबारमा सकारात्मक सर्किट लागेको थियो। युनिलिभर लिमिटेड नेपालका लगानीकर्ताले सबैभन्दा धेरै प्रतिकित्ता ३.७९ प्रतिशतका दरले गुमाएका छन्।

अपी पावर कम्पनीका सेयर सबैभन्दा धेरै ४६ करोड ८२ लाख १७ हजार रुपैयाँ बराबरको कारोबार भएको छ। संख्यात्मक आधारमा पनि सोही कम्पनीका सेयर सबैभन्दा धेरै नौ लाख ५० हजार ३१९ कित्ता र अपीकै सेयर सबैभन्दा धेरै तीन हजार ५३७ पटक किनबेच भएका थिए।

आज विकास बैंक र म्युचुअल फण्डबाहेक सबै उपसमूहका परिसूचक बढेको नेप्सेले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

लसएन्जलस: मृतकको संख्या १६ पुग्यो, आगो अझै अनियन्त्रित

पोखरा महानगरका करार कर्मचारी नहटाउन उच्च अदालतको आदेश

सर्वोच्चद्वारा अन्तरिम आदेश अस्वीकार: केयूको भीसीमा एमडी/एमएस मात्रै गरेका डाक्टरले आवेदन दिन नपाउने