सामान्य अंकले घट्यो नेप्से, ५ कम्पनीको कारोबारमा सकारात्मक सर्किट

बैंक/बिमा/सेयर

नेपाल लाइभ सोमबार, साउन ११, २०७८ १५:५०

काठमाडाैं- आइतबार उच्च अंकले बढेको पुँजीबजार मापक नेप्सेमा आज सामान्य करेक्सन आएको छ।

आज नेपाल स्टक एक्सचेन्ज (नेप्से) परिसूचक ८.२४ अंकले घटेर ३०५०.४३ विन्दुमा ओर्लिएको छ।

नेप्सेमा आज कूल १४ अर्ब १३ करोड ९७ लाख ८५ हजार रुपैयाँ बराबरको कारोबार भएको छ। कूल २२३ वटा कम्पनीका तीन करोड ७० लाख ६१ हजार ४४७ कित्ता सेयर एक लाख ३७ हजार २४२ पटक खरिद-बिक्री भएका थिए।

आज ठूला कम्पनीको सेयर कारोबार मापन गर्ने सेन्सेटिभ परिसूचक पनि २.९३ अंकले घटेर ५७१.११ विन्दुमा ओर्लिएको छ।

आज पाँचवटा कम्पनीको कारोबारमा सकारात्मक सर्किट लागेको थियो। एनआईसी एसिया डिबेञ्चरका लगानीकर्ताले सबैभन्दा धेरै प्रतिकित्ता ७.२२ प्रतिशतका दरले गुमाएका छन्।

आज ङादी ग्रुप पावरको सबैभन्दा धेरै ३९ करोड ३० लाख ३७ हजार रुपैयाँ बराबरको सेयर कारोबार भएको छ। संख्यात्मक आधारमा एनएमबी५० सबैभन्दा धेरै ३४ लाख ३८ हजार ६७० कित्ता र ग्लोबल आईएमई बैंकको सेयर सबैभन्दा धेरै तीन हजार ७४६ पटक किनबेच भएका थिए।

आज बैंकिङ, विकास बैंक, इन्भेस्टमेन्ट, म्युच्युअल फण्ड तथा अन्यबाहेक सबै उपसमूहका परिसूचक बढेको नेप्सेले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित