लगातार २ दिन बढेको नेप्सेमा सामान्य करेक्सन, कारोबार करिब ४ अर्बले घट्यो

बैंक/बिमा/सेयर

नेपाल लाइभ मंगलबार, साउन ५, २०७८ १५:१७

काठमाडाैं- लगातार दुई दिन बढेको पुँजीबजार मापक परिसूचक नेप्सेमा आज सामान्य करेक्सन आएको छ। आज परिसूचकसँगै कारोबार पनि करिब चार अर्ब रुपैयाँले घटेको छ।

नयाँ आर्थिक वर्षको पहिलो कारोबार दिन आइतबार ९७.२१ अंक र सोमबार १३.८० अंकले बढेको नेपाल स्टक एक्सचेन्ज (नेप्से) आज ९.०१ अंकले घटेर २९८५.५७ विन्दुमा झरेको छ।

नेप्सेमा आज कूल सात अर्ब ८९ करोड ७५ लाख ९४ हजार रुपैयाँ बराबरको कारोबार भएको छ। कूल २१९ वटा कम्पनीका तीन करोड १६ लाख आठ हजार १९३ कित्ता सेयर ८४ हजार ४६८ पटक खरिद-बिक्री भएका थिए।

आज ठूला कम्पनीको सेयर कारोबार मापन गर्ने सेन्सेटिभ परिसूचक पनि २.८३ अंकले घटेर ५५८.१२ विन्दुमा ओर्लिएको छ।

आज लक्ष्मी उन्नती कोष र लक्ष्मी इक्युटी फण्डको कारोबारमा सकारात्मक सर्किट लागेको थियो। बरुण हाइड्रो र माउण्टेन हाइड्रोका लगानीकर्ताले पनि क्रमश: प्रतिकित्ता ९.३९ र ९.२८ प्रतिशतका दरले कमाएका छन्। आईसीएफसी फाइनान्स कम्पनीको डिबेन्चरका लगानीकर्ताले सबैभन्दा धेरै प्रतिकित्ता ६.१७ प्रतिशतका दरले गुमाएका छन्।

आज अरुण काबेली पावर लिमिटेडको सेयर सबैभन्दा धेरै ३८ करोड ७८ लाख २० हजार रुपैयाँ बराबरको कारोबार भएको छ। संख्यात्मक आधारमा सिद्धार्थ इन्भेस्टमेन्ट ग्रोथ स्किम-२ सबैभन्दा धेरै २५ लाख ४२ हजार ३४७ कित्ता र अरुण काबेली पावर लिमिटेडको सेयर सबैभन्दा धेरै दुई हजार ७६४ पटक किनबेच भएका थिए।

आज व्यापार, होटल तथा पर्यटन, हाइड्रोपावर, लगानी तथा प्रशोधन र म्युचुअल फण्डबाहेक सबै उपसमूहका परिसूचक घटेको नेप्सेले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित

पोखरा महानगरका करार कर्मचारी नहटाउन उच्च अदालतको आदेश