माैद्रिक नीति तयारीकै चरणमा छ, उपयुक्त समयमा ल्याउँछाैं : प्रवक्ता ढकाल

बैंक/बिमा/सेयर

नेपाल लाइभ आइतबार, साउन ३, २०७८ १३:५५

काठमाडाैं- नेपाल राष्ट्र बैंकले आर्थिक वर्ष २०७८/७९ को मौद्रिक नीति तयारीको क्रममै रहेकाले उपयुक्त समयमा ल्याइने बताएको छ।

राष्ट्र बैंकका कार्यकारी निर्देशक तथा प्रवक्ता देवकुमार ढकालले मौद्रिक नीति ल्याउने सन्दर्भमा सरोकारवालाहरुसँग छलफल भइरहेको बताए। पूर्वगर्भनरहरुसँग छलफल गर्न बाँकी नै रहेको उनले बताए। सुझाव संकलन र आन्तरिक तयारी गरिरहेको उनले बताए।

‘आर्थिक वर्ष २०७८/७९ को मौद्रिक नीति निर्माणको क्रममा विभिन्न सरोकारवाला निकायहरुसँग सुझाव संकलन गर्ने कार्य हामीले सम्पन्न गरिसकेका छौँ। एक/दुईवटा सरोकारवाला खासगरी पूर्वगर्भनरज्यूहरुसँग सुझाव संकलन गर्ने काम बाँकी छ। र, सो सुझाव संकलनको आधारमा हामी मौद्रीक नीतिको निर्माणको आन्तरिक तयारी पनि सँगसँगै गरिरहेको अवस्था छ।’

सरकारले आर्थिक वर्ष २०७८/७९ बजेट अध्यादेशबाट ल्याएको र हाल सरकार परिवर्तन भएको सन्दर्भमा मौद्रिक नीति कहिले आउँछ भन्ने चासोको विषय बनेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित

पोखरा महानगरका करार कर्मचारी नहटाउन उच्च अदालतको आदेश